عەلی بابا ئامرازی ژیری دەستکردی بۆ دروستکردن و لەبەرگرتنەوەی دەنگ دەخاتە بەردەست
کۆمپانیای عەلی بابا کلاود دوو مۆدێلی نوێی لە زنجیرە Qwen3 بۆ ژیری دەستکرد ڕاگەیاند، کە تایبەتن بە تەکنەلۆژیای دروستکردن و لەبەرگرتنەوەی دەنگ لە ڕێگەی فەرمانی نووسراوەوە.
یەکەم مۆدێل بە ناوی Qwen3-TTS-VD-Flash، ڕێگە دەدات دەنگ دروست بکرێت بەپێی وەسفی ورد کە سۆز و شێوە و خێرایی قسەکردن لەخۆدەگرێت. بەکارهێنەر دەتوانێت تەمەن و جۆری دەنگ و شێواز دیاریبکات. کۆمپانیا دەڵێت ئەم مۆدێلە لە کارایی لە GPT-4o mini-tts ی OpenAI باشترە.
دووەم مۆدێل، Qwen3-TTS-VC-Flash، تایبەتە بە لەبەرگرتنەوەی دەنگ. دەتوانێت دەنگی کەسێک لە پارچەیەکی تەنها سێ چرکە لەبەر بگرێتەوە و بە ١٠ زمانی جیاواز دووبارە دروستی بکاتەوە. عەلی بابا دەڵێت ئەم مۆدێلە هەڵەی کەمتری هەیە بە بەراورد بە ڕکابەرانی وەک ElevenLabs و MiniMax.
مۆدێلە نوێیەکان توانای مامەڵەکردن لەگەڵ دەقی ئاڵۆز، لاسایکردنەوەی دەنگی ئاژەڵان، و دەرهێنانی دەنگ لە تۆمارکردنەکان هەیە. ئەم تەکنەلۆژیایانە بەکاردێن بۆ ڕێکلام، یاری، دۆبلاژی فرە زمانی، پەروەردەی ئەلیکترۆنی و خزمەتگوزارییەکانی ناوەندی پەیوەندی، لەگەڵ کەمکردنەوەی کات و تێچوون.
