هەفتەی ڕاگەیاندنی بەرهەمە نوێیەکانی ئەپڵ
تێم کووک ڕایگەیاند کە سبەینێ دووشەممە، دەسپێکی هەفتەیەکی پڕ لە سوپرایز دەبێت. ئەپڵ شێوازێکی نوێ پەیڕەو دەکات و بەرهەمەکانی بەسەر چەند ڕۆژێکدا دابەش دەکات، نەک تەنها لە یەک ڕۆژدا. بڕیارە ڕۆژی چوارشەممە ٤ی مارس، کۆنگرەیەکی ڕۆژنامەوانی لە نیویۆرک، لەندەن و شەنگەهای بەڕێوە بچێت.
گرنگترین ئەو بەرهەمانەی چاوەڕوان دەکرێن:
• مۆبایلی iPhone 17e: مۆدێلێکی نوێ و هەرزانتر لە زنجیرەی ئایفۆن ١٧.
• ئایپادەکان: چاوەڕوان دەکرێت نەوەی ١١ی ئایپادی ئاسایی بە پشتگیری "Apple Intelligence" و ئایپاد ئێر بە چیپی M4 ڕابگەیەنرێن.
• ماک بووک: نوێکردنەوەی ماک بووک ئێر بە چیپی M4 و ماک بووک پرۆ بە چیپەکانی M4 Pro و M4 Max. هەروەها دەنگۆی ئەوە هەیە بۆ یەکەمجار چیپێکی زنجیرەی A (کە تایبەتە بە ئایفۆن) لە ناو یەکێک لە ئامێرە ئابوورییەکانی ماکدا بەکاربهێنرێت.
