مێتا کێشەی دڵتێکهەڵاتن لە چاوێلکەکانی کوێست چارەسەر دەکات

ۆمپانیای مێتا تایبەتمەندییەکی نوێی بە ناوی "FrameSync" بۆ چاویلکەکانی واقیعی گریمانەیی (Quest) ڕاگەیاند، کە ئامانجی کەمکردنەوەی ئەو سەرئێشە و دڵتێکهەڵاتنەیە کە بەهۆی پچڕانی وێنەکانەوە تووشی بەکارهێنەران دەبێت. ئەم تەکنەلۆژیایە کار دەکات بۆ ڕێکخستنی خێرایی چوارچێوەکانی وێنە (Frames) و کەمکردنەوەی دواکەوتنی نێوان جووڵەی سەر و بینینی وێنەکە.

گرنگترین سوودەکانی ئەم تایبەتمەندییە بریتین لە:

• نەرمیی زیاتر: ڕێگری لە لەرزینی وێنە دەکات لەکاتی جووڵەدا.

• کەمکردنەوەی وێنە دووبارەکان: کێشەی وێنە کۆن و پچڕپچڕەکان چارەسەر دەکات.

• خێرایی لە وەڵامدانەوە: کاتێکی کەمتر دەخایەنێت تا وێنەکە لەگەڵ جووڵەی بەکارهێنەردا بگونجێت.

ئەم تایبەتمەندییە لە وەشانەکانی داهاتووی کۆگای "Horizon" دەبێتە بژاردەیەکی سەرەکی، بەڵام گەشەپێدەرانی ئەپڵیکەیشنەکان دەتوانن تاقیی بکەنەوە بۆ ئەوەی دڵنیا ببنەوە کە یاری و بەرنامەکانیان بە باشی لەگەڵیدا دەگونجێن.