هۆشدارییەک لە GoDaddy: شەڕی دژ بە ماڵپەڕە ساختەکان نابێت زیان بە ماڵپەڕە یاساییەکان بگەیەنێت!

کۆمپانیای GoDaddy، کە وەک گەورەترین دابینکەر و فرۆشیاری دۆمەین (ناوی ماڵپەڕ) لە جیهاندا دەناسرێت، هۆشدارییەکی گرنگ لەسەر بڕیارێکی نوێی دادگایNew Delhi  بڵاودەکاتەوە و ڕایدەگەیەنێت کە ئەم بڕیارە لەوانەیە مەترسییەکی گەورە بۆ سەر ئاسایشی ئینتەرنێت دروست بکات.

ناوەڕۆکی کێشەکە چییە؟

• بڕیارەکەی دادگا: دادگای New Delhi فەرمانی داخستنی زیاتر لە 1,100 ماڵپەڕی ساختەی دەرکردووە. ئەم ماڵپەڕانە ناوی براندە جیھانییە بەناوبانگەکانی وەک Amazon، McDonald's، Microsoft، و Xiaomi بۆ خەڵەتاندن و فریودانی بەکارهێنەران بەکاردەهێنن.
• مەترسییەکە لە کوێدایە؟ کێشەکە لە خودی سزادانی ماڵپەڕە ساختەکاندا نییە، بەڵکو لە شێوازی جێبەجێکردنی بڕیارەکەدایە.

لێکەوتە نەرێنییەکان لەسەر ماڵپەڕە یاساییەکان

کۆمپانیای GoDaddy ڕوونکردنەوە دەدات کە شێوازی ئێستای جێبەجێکردنی بڕیارەکە دەبێتە هۆی ئاشکرابوونی زانیارییە کەسییەکانی خاوەن ماڵپەڕە یاساییەکان، لەوانە:

1.    ناو و ناونیشانی تەواو.

2.    ژمارەی تەلەفۆن.

3.    ناونیشانی ئیمەیڵ.

ئەو کۆمپانیایە هۆشداری داوە کە ئەمە دەتوانێت خاوەن ماڵپەڕە یاساییەکان بخاتە مەترسیی هەراسانکردن، و هێرشی سایبەری.