چین سنوورەکانی ژیریی دەستکرد دەبەزێنێت: تاقیکردنەوەی ڕۆبۆتەکان لە جیهانی ڕاستەقینەدا!
لەکاتێکدا جیهان هێشتا خەریکی گفتوگۆ و فەلسەفە لێدانە لەسەر سنوورەکانی ژیریی دەستکرد، کۆمپانیا چینییەکان قۆڵیان لێ هەڵماڵیوە و خەریکی تاقیکردنەوەی ڕۆبۆتە هاوشێوەکانی مرۆڤن لەناو جەرگەی ژیانی ڕاستەقینەدا. چیتر باسەکە لەسەر توانای ڕۆبۆتەکان لەناو تاقیگە داخراوەکاندا نییە، بەڵکو باسەکە لەسەر شێوازی خۆگونجاندنیانە لەگەڵ واقیعدا.
کێشەی سەرەکیی ڕۆبۆت ئەوە نییە کە کارێک تەنها بۆ یەکجار بکات؛ بەڵکو ئەوەیە کە بتوانێت هەمیشە و بە بێ هەڵە ئەو کارە دووبارە بکاتەوە، لە شوێنێکی قەرەباڵغی پڕ لە مرۆڤ و بەربەستدا هەر لەبەر ئەمەشە تاقیکردنەوە مەیدانییەکان گرنگن.
هەر هەنگاوێکی سەرکەوتوو لەم تاقیکردنەوانەدا، ڕۆبۆتەکان لە تەنها "پڕۆژەیەکی سەر کاغەز"ەوە دەگۆڕێت بۆ "ئامرازێکی کرداری" کە لە داهاتوودا شانبەشانی مرۆڤ لە بوارەکانی گواستنەوە، پیشەسازی، پشکنین و کارە قورسەکاندا کار بکەن.
داهاتووی ڕۆبۆتیک چیتر خەیاڵ نییە، بەڵکو واقیعێکە لەبەردەم چاوماندا تاقیکردنەوەی لەسەر دەکرێت.
