دەستلەکارکێشانەوەی لەناکاوی بەرپرسی ژیریی دەستکرد لە کۆشکی سپی
شریرام کریشنان (Sriram Krishnan)، ڕاوێژکار و بەرپرسی باڵای سیاسەتەکانی ژیریی دەستکرد (AI) لە کۆشکی سپی، دەستلەکارکێشانەوەی خۆی لە پۆستەکەی ڕاگەیاند.
کریشنان، کە لەلایەن ئیدارەی دۆناڵد ترەمپەوە دیاریکراوبوو بۆ داڕشتنی نەخشەرێگەی ئەمریکا لە کێبڕکێی جیهانیی ژیریی دەستکرد و هەڵوەشاندنەوەی بەشێک لە ڕێکارە توندەکانی پێشوو، ئاماژەی بەوە کردووە کە لەمەودوا تەنیا وەک ڕاوێژکارێکی دەرەکی لەگەڵ کۆشکی سپی بەردەوام دەبێت.
ئەم کۆتاییپێهێنانەی ئەرکەکەی لە کاتێکدایە کە کۆشکی سپی لە هەوڵی داڕشتنەوەی سیاسەتە تەکنەلۆژییەکانیدایە بۆ پاراستنی باڵادەستیی ئەمریکا لە بواری ژیریی دەستکرددا.
