سیستەمی ئامازۆن
ئەو سیستەمانەی كۆمپانیای ئامازۆن بەكاریان دەهێنێت بۆ تیشك خستنە سەر كاڵایەكانی نرخی كێبڕكێیان هەیە و لاوازكردنی دەرخستنی بەرهەمە گرانەكان لە سوقی ئەلیكترۆنیەكەیدا، ڕەنگە سەرپێچیكردن بێت لە یاسای كێبڕكێی.
ئەم بڕیارە هاتووە لە كاتێكدا كە ئامازۆن سیستەمی تایبەتی نرخدانانی هەیە بۆ هەڵسەنگاندنی داواكارییە جیاوازەكان لە سوقەكەی كە ژمارەیەكی زۆری بەرهەم لە فرۆشیارانی جیاواز لە خۆ دەگرێت. كۆمپانیاكە دەڵێت سیستەمەكەی ئەو پێشكەشكراوانە تیشك دەخاتە سەر كە زیاتر مەودا هەیە كڕیاران هەڵیانبژێرن بەپێی نرخ و عاملەكانی تر.
نووسراوەخانەی كارتێلی فیدراڵی ئەڵمانیا دەڵێت ئەم میكانیزمەی ئامازۆن سنووردار دەكات لە بینینی پێشكەشكردنەکانی بچووكفرۆشان و دەستێوەردان دەكات لە ئازادی فرۆشیاران بۆ دیاریكردنی نرخەكانیان، ئەمەش سنووری نەگونجاو و بێ پاساو دادەنێت بەسەر تەرەفە سێیەمەكان. بەڵام ئامازۆن دژایەتی توندی ئەم هەڵسەنگاندنە دەكات و دەڵێت مەبەست لێی یارمەتیدانی بەكارهێنەرانە بۆ دۆزینەوەی باشترین بەرهەمەكان بەپێی نرخ، بەردەستبوون و خێرایی گەیشتن. ئامازۆن لە ساڵی ٢٠٢٢ەوە لە ئەڵمانیا لەژێر چاودێری توندوتۆڵدایە دوای ئەوەی وەك كۆمپانیایەكی گرنگ بۆ كێبڕكێی نێونەتەوەیی دامەزراند.
