کریستیانۆ ڕۆنالدۆ دەچێتە ناو سەردەمی وەبەرهێنانەکانی ژیری دەستکرد بە پشکێک لە کۆمپانیایەکی بەناوبانگ
قەبارەی ئەم پشکە یان وردەکارییە داراییەکانی ئاشکرا نەکراوە.
یاریزانی میلیاردێری تۆپی پێ کریستیانۆ ڕۆنالدۆ پشکێکی لە کۆمپانیای نوێی ژیری دەستکرد “پێرپلێکسیتی” کڕیوە، کە گرنگترین وەبەرهێنانی ئەستێرەی پۆرتوگالی تا ئێستا دەخاتەڕوو. قەبارەی پشک یان وردەکارییە داراییەکان لە ڕاگەیاندنی ڕۆژی پێنجشەممەدا ئاشکرا نەکراوە.
“پێرپلێکسیتی” هەروەها لە ڕێککەوتنی پاڵپشتیی جیهانی لەگەڵ ڕۆنالدۆدا چووەتە ژوورەوە، و ناوەندێکی کارلێکەری بۆ هەوادارەکان لەسەر بزوێنەری گەڕانەکەی خۆی دامەزراندووە. کۆمپانیاکە لە ساڵی ٢٠٢٢ دا دامەزرا، و وەک کۆمپانیایەکی نوێی خێراترین گەشەکردن لە بواری ژیری دەستکردا دەرکەوت، کە ئەمەش وایکردووە بووبێتە ڕکابەرێکی ڕاستەوخۆ بۆ کۆمپانیای گووگڵ.
نرخی کۆمپانیاکە کە لە سان فرانسیسکۆ نیشتەجێیە بە نزیکەی ٢٠ میلیار دۆلار خەمڵێنرا لە خولێکی دارایی لە سێپتەمبەردا، و کاردەکات لەسەر فراوانکردنی ئامرازەکانی کە بۆ دامەزراوەکان دابینیان دەکات و بەشداربوونە پارەدراوەکان و ئامادەبوونی نێودەوڵەتی لە کاتێکدا کە داواکاری لەسەر بەدیلەکانی گەڕانی پشتگیریکراو بە ژیری دەستکرد زیاد دەبێت.
سامانی ڕۆنالدۆ کە ئێستا لە سعوودیە نیشتەجێیە نزیکەی ١.٤ میلیار دۆلارە، بەپێی پێوەری بلومبێرگ بۆ میلیاردێرەکان، کە دواییەن سامانەکەی بۆ یەکەم جار خەمڵاند. تا ئێستا، ڕۆنالدۆ بەشێوەیەکی سەرەکی لە وڵاتەکەی پۆرتوگال وەبەرهێنانی کردووە، و گرنگیی داوەتە پڕۆژە بچووکترەکان، وەک کڕینی “Lisboa Racket Center” لە ساڵی ٢٠٢٤، جگە لە زنجیرەی ئۆتێل و شوێنی وەرزش و کۆمەڵەیەکی میدیایی.
ئەم وەبەرهێنانە دوای چەند هەفتەیەک دێت لە دوای دیداری ڕۆنالدۆ بە سەرۆکی ئەمریکا دۆناڵد ترامپ لە واشنتن، کە ئەو دیدارە بەشێوەیەکی بەرفراوان لە ڕێگەی تۆڕە کۆمەڵایەتیەکانەوە باڵاوبووەوە دوای ئەوەی ترامپ ڤیدیۆیەکی بڵاوکردەوە کە خۆی لەگەڵ ڕۆنالدۆدا پیشان دەدات. هەرچەندە هیچ لایەنێک وردەکاریەکانی گفتوگۆکەیانی ئاشکرا نەکردووە، بەڵام دیدارەکە گومانەکانی لەسەر ئینتەرنێت هەڵستاندووە دەربارەی ئەگەری هەبوونی پەیوەندییە بازرگانییەکان یان ڕێکلامییەکانی ئەگەری.
