دڵنیابەرەوە کە یەکێک لەم ئامێرانەت لەلا نییە..
٢٠٠ هەزار پاوەر بانک کە بووە هۆی ئاگرکەوتنەوە
دەستەی سەلامەتی بەرهەمەکانی ئەمریکا بانگهێشتێکی بەرفراوانی بۆ زیاتر لە ٢٠٠ هەزار پاوەر بانکی جۆری INIU BI-B41 دەرکرد لە دوای زنجیرەیەک ڕووداوی مەترسیدار کە ئاگرکەوتنەوەی لەخۆگرتووە و بووە هۆی برینداربوونی سێ بەکارهێنەر و زەرەری مادی زیاتر لە ٣٨٠ هەزار دۆلار.
هەرچەندە ملیۆنان بەکارهێنەر پشت بە پاوەر بانک دەبەستن، ئەم ئامێرانە هێشتا سەرچاوەی نیگەرانین بەهۆی پاتریەکانیان لە جۆری لیسیۆم-ئایۆن کە لەوانەیە تووشی “هەڵاتنی گەرمی” بن لە ئەنجامی زیانی باتری یان بەرزبوونەوەی گەرما یان شەحنی زیادە.
جۆرەکەی کە کاری لێکراوە پاوەر بانکێکە بە توانای ١٠,٠٠٠ میلی ئەمپێر، دروستکراو لە چین، بە ڕەنگی ڕەش یان شین لەگەڵ لۆگۆی INIU. ژمارە زنجیرەییە زیانمەندەکان بریتین لە: 000G21 – 000H21 – 000I21 – 000L21 کە لە پشتی ئامێرەکەدا نووسراون.
کۆمپانیاکە ١٥ گازندەی وەرگرتووە دەربارەی بەرزبوونەوەی گەرما، لەوانە ١١ ڕووداوی ئاگرکەوتنەوە. ئەم ئامێرانە لە ڕێگەی ئەمازۆنەوە لە ئەمریکا فرۆشران لەنێوان ئاگوستی ٢٠٢١ و ئاپریلی ٢٠٢٢ بە نزیکەی ١٨ دۆلار.
بەکارهێنەران دەبێت دەستبەجێ وازی لە بەکارهێنان بهێنن و بچنە لاپەڕەی بانگهێشتکردنەکە بۆ پشکنینی ژمارە زنجیرەییەکە و گەڕانەوەی پارە. نابێت ئامێرەکە بخرێتە سەتڵی ئاسایی، بەڵکو دەبێت لە ڕێگەی ناوەندەکانی پاشماوەی مەترسیدار فڕێبدرێت.
بۆ گەڕانەوەی پارە، پێویستە بەڵگەی کڕین و وێنەی ئامێرەکە پێشکەش بکرێت لەسەر ماڵپەڕی INIU، پاشان دەتوانیت پارەکە یان کارتی دیاری لە ئەمازۆن وەربگریتەوە.
