ویلایەتی لۆیزیانا سکاڵا لە “ڕۆبلۆکس” دەکات بەهۆی شکستی لە پاراستنی منداڵان
لیز مۆریل بەدەستەی گشتی ویلایەتی لۆیزیانا سکاڵایەکی یاساییی لە دژی پلاتفۆرمی یاری “ڕۆبلۆکس” کردووە و تۆمەتباری دەکات بە ئاسانکردنی دەستدرێژی سێکسی بەسەر منداڵاندا و نەبوونی ڕێوشوێنی ئاسایشی پێویست.
سکاڵاکە بانگەشە دەکات کە “ڕۆبلۆکس” شکستی هێناوە لە پاراستنی بەکارهێنەرە منداڵانە لە دەستدرێژیکەرە گەورەکان.
مۆریل وتی: “بەهۆی نەبوونی پرۆتۆکۆلی سەلامەتی، سەلامەتی منداڵانی لۆیزیانا دەخاتە مەترسییەوە. ڕۆبلۆکس پڕە لە ناوەڕۆکی زیانبەخش چونکە گرنگی بە قازانج دەدات لە جیاتی سەلامەتی منداڵان.”
مانگی ڕابردوو سکاڵایەک لە ئایۆوا خرایەڕوو دوای ئەوەی کچێکی ١٣ ساڵان لەسەر پلاتفۆرمەکە ناسنامەی دەستدرێژیکەرێکی کردووە، پاشان ڕفێنراوە و دەستدرێژی سێکسی بۆ کراوە.
لە لۆیزیانا، فەرماندەی پۆلیسی پارێزگای لیڤینگستۆن وتی کە چەندین کەیسی پەیوەست بە “ڕۆبلۆکس” وەرگرتوون، لەوانە پیاوێک تەکنۆلۆژیای گۆڕینی دەنگی بەکارهێناوە بۆ خۆ نیشاندان بە کچ.
مۆریل دەربڕینی ئەوە کرد کە پێی وایە دەبێت ڕۆبلۆکس داخرێت.
“ڕۆبلۆکس” تۆمەتبارکردنەکانی ڕەتکردەوە و وتی: “بانگەشەکردن بەوەی ڕۆبلۆکس بە ئەنقەست بەکارهێنەرەکانی خۆی بخاتە مەترسی، بە تەواوی درۆیە. ئێمە ڕێوشوێنی سەلامەتی توند جێبەجێ دەکەین.”
کۆمپانیاکە وتی: “کەسانی خراپ هەوڵ دەدەن سیستەمەکانمان بکێشنەوە بۆ ئاراستەکردنی بەکارهێنەران بۆ دەرەوەی پلاتفۆرمەکە. بەردەوام کاردەکەین بۆ ڕێگریکردن لەمە و بەهێزکردنی چاودێری.“
