مووچەی تیم کووک ڕێگەی پێدەدات هەر دوو ڕۆژ جارێک خانوویەک بکڕێت
مووچەی سەرۆکی کۆمپانیای ئەپڵ لە ساڵی ٢٠٢٤دا بە ڕێژەی ١٨% زیادی کردووە و گەیشتووەتە ٧٤.٦ ملیۆن دۆلار، لەکاتێکدا هاووڵاتیانی ئاسایی ئەمریکی تەنها ٦٢ هەزار دۆلاری لە ساڵێکدا بەدەست دەهێنن.
لەکاتێکدا هاووڵاتیانی ئەمریکی زۆر ئاگاداری بودجەی خواردنیانن و کڕینی شتومەکی گەورە دوا دەخەنەوە، بەڕێوەبەرانی باڵا مووچەی مێژوویی وەردەگرن. تیم کووک لە کەمتر لە یەک ڕۆژی کاردا زیاتر لە داهاتی ساڵانەی هاووڵاتیانێکی ئاسایی ئەمریکی بەدەست دەهێنێت.
مووچەی کووک پێکهاتووە لە ٥٨.١ ملیۆن دۆلار بە شێوەی پشک، ١٢ ملیۆن دۆلار هاندان، و ١.٥ ملیۆن دۆلاری تر. ئەگەرچی ئێستا یەکێکە لە زۆرترین بەڕێوەبەرانی بە مووچە لە جیهاندا، بەڵام لە ساڵی ٢٠٢٢دا نزیکەی ١٠٠ ملیۆن دۆلاری وەرگرتبوو کە دواتر کەمکرایەوە لەبەر ناڕەزایەتی کارمەندان و بەشداران.
بەراوردکردنەکە زۆر سەرنجڕاکێشە: کووک تەنها حەوت کاتژمێر کار پێویستە تا داهاتی ساڵانەی کرێکارێکی ئاسایی ئەمریکی تێپەڕێنێت. لە ماوەی ٣٠ خولەکدا، کە زۆر کەس بۆ گەیشتن بە ئۆفیسەکانیان پێویستە، کووک ٤,٢٥٦ دۆلاری بەدەست دەهێنێت.
لەکاتێکدا ئەمریکییەکان دەیان ساڵیان پێویستە بۆ پاشەکەوتکردن بۆ کڕینی خانوویەک، کووک تەنها ٢.١٥ ڕۆژ پێویستە بۆ کۆکردنەوەی ٤٣٩ هەزار دۆلار، کە تێچووی ناوەندی خانوویەکە لە ئەمریکا. لە ٢١ خولەکدا، ئەوەندە قازانج دەکات کە دەتوانێت “MacBook Pro” بکڕێت، و لە کەمتر لە هەشت خولەکدا دەتوانێت ئایفۆن ١٧ پرۆ بکڕێت.
کووک حەوتەمین بەڕێوەبەری بە مووچە بوو لە ئەمریکا، ڕاستەوخۆ دوای ساتیا نادێلا، سەرۆکی مایکرۆسۆفت، کە ٧٩.١ ملیۆن دۆلاری وەرگرتووە.
