بەردەوامبوونی پچڕانی ئینتەرنێت لە ئێران بۆ زیاتر لە ٨٤ کاتژمێر
پچڕانی ئینتەرنێت لە ئێران، ڕۆژی دووشەممە، دەچێتە ڕۆژی چوارەمییەوە ، لە هەوڵێکی دەسەڵاتی وڵاتەکەدا بۆ کۆنترۆڵکردنی خۆپیشاندانەکانی دژ بە حکومەت.
گرووپی چاودێری ئینتەرنێتی “نێت بلۆکس” لە پۆستێکدا لەسەر پلاتفۆرمی ئێکس ڕۆژی دووشەممە وتی: “لەکاتێکدا ئێران بەیانی ڕۆژێکی نوێ بەخۆیەوە دەبینێتەوە، نیشانەکان دەریدەخەن کە پچڕانی ئینتەرنێت لە ئاستی وڵاتدا تێپەڕیوە بۆ زیاتر لە ٨٤ کاتژمێر.”
“نێت بلۆکس” زیادی کرد کە دەتوانرێت بەم پچڕانە لابدرێت بە بەکارهێنانی ڕادیۆی شەپۆلە کورتەکان، یان بەستنەوە بە تۆڕە مۆبایلەکان لە سنوورەکاندا، یان لە ڕێگەی ستارلینک و تەلەفۆنە ئاسمانییەکانەوە.
سەرۆکی ئەمریکا دۆناڵد ترەمپ وتی کە مەبەستیەتی لەگەڵ ئیلۆن ماسک قسە بکات سەبارەت بە دابینکردنی خزمەتگوزاریی ئینتەرنێت لە ئێران، لە ڕێگەی خزمەتگوزاری ستارلینکەوە.
خۆپیشاندانەکانی ئێستا لە ئێران لە ٢٨ی کانوونی یەکەمدا دەستیان پێکرد بەهۆی بەرزبوونەوەی نرخ و گرانی بازاڕ وە
پچڕانی ئینتەرنێت ڕێگری کردووە لە جۆشی زانینی زانیاری لە ئێرانەوە لە ڕۆژی پێنجشەممەوە لە نێوان فراوانترین خۆپیشاندانەکان کە وڵات لە ٢٠٢٢ەوە شایەتییان بووە.
