ڤێریزۆن بە هەڵە ناوی ئەو پێکسڵ واچانەی ئاشکرا کرد کە Wear OS 7 وەردەگرن
بەڵگەنامەیەکی دزەپێکراوی کۆمپانیای ڤێریزۆن (Verizon) بە هەڵە زانیارییەکانی بڵاوکردنەوەی نوێکاریی داهاتووی سیستەمی "Wear OS 7"ی گوگڵی ئاشکرا کردووە. ئەم بەڵگەنامەیە ئاماژە بەوە دەکات کە نوێکارییەکە بۆ کاتژمێرەکانی Pixel Watch 2، Pixel Watch 3 و Pixel Watch 4 بەردەست دەبێت، کاتەکەکەشی هاوشان دەبێت لەگەڵ پاکێجی ئەمنیی مانگی حوزەیرانی ٢٠٢٦ (کۆدی سۆفتوێرەکەی CP2A.260603.001 دەبێت)، کە خێرایی و جێگیریی باشتریش بە کاتژمێرەکان دەبەخشێت.
بەداخەوە، کاتژمێری پێکسڵ واچی نەوەی یەکەم (یەکەم مۆدێل) لەم لیستەدا نییە. بەو پێیەی پێشتریش نوێکاریی "Wear OS 6"ی پێ نەگەیشتبوو، وا دیارە کڕیارە سەرەتاییەکانی ئەم مۆدێلە دیسانەوە بێبەش دەبن.
بۆ ئەو کاتژمێرانەی کە نوێکارییەکەیان پێدەگات، سیستەمی "Wear OS 7" گۆڕانکاریی زۆر باش و گەورە لەگەڵ خۆی دەهێنێت؛ سیستەمە کۆنەکەی پێشوو (کە پێی دەگوترا Tiles و شاشەکەی جێگیر بوو) دەگۆڕێت بۆ سیستەمێکی نوێ و زیندوو بە ناوی "Wear Widgets". جگە لەوەش، تایبەتمەندیی "Live Updates" (نوێکاریی ڕاستەوخۆ) دەهێنێت بۆ ئەوەی بەکارهێنەر بتوانێت زانیارییە دەستبەجێیەکانی وەک ئەنجامی یارییە وەرزشییەکان و شوێنی گەیاندنی خۆراک ڕاستەوخۆ لەسەر مەچەکی ببینێت. لە هەمان کاتدا، ژیریی دەستکردی جێمینی (Gemini) تێکەڵی سیستەمەکە کراوە بۆ ڕاپەڕاندنی خۆکارانەی کارەکان، کە ڕێگە بە بەکارهێنەران دەدات چەند کارێکی جیاواز بە شێوەیەکی ئۆتۆماتیکی هەر لە ڕێگەی کاتژمێرە زیرەکەکەیانەوە ئەنجام بدەن.
