کەمبوونەوەیەکی بەرچاو لە نرخی زێڕ لە ماوەی کەمتر لە دوو ڕۆژدا
داڕمانی نرخ لە بازاڕەکانی هەرێمی کوردستاندا، مسقاڵێک زێڕی عەیار ٢١ لە ماوەی کەمتر لە ٤٨ کاژێردا کەمبوونەوەیەکی مەزنی تۆمارکردووە و بە ڕێژەی ١٠٢ هەزار دینار دابەزیوە بەراورد بە نرخەکەی لە ڕۆژی پێنجشەممە ٢٩-٠١-٢٠٢٦. ئەمە یەکێکە لە گەورەترین دابەزینەکانی ئەم دواییە.
هۆکارەکانی ئەم دابەزینە دوای ئەوە ڕوویدا کە نرخی زێڕ لە جیهاندا لە رۆژی هەینیدا بە رێژەی ٩٪ دابەزی و ئۆنسەیەک بە ٤,٨٩٤ دۆلار گەیشت، پاش ئەوەی گەیشتبووە بەرزترین ئاستی خۆی لە نزیکەی ٥,٦٠٠ دۆلار. تەنانەت لە ماوەی مامەڵەکاندا نرخ گەیشتە ٤,٦٨٧ دۆلار.
کاریگەری ڕووداوی سیاسی لەسەر داڕمانی نرخی زێڕ هاوکات بوو لەگەڵ راگەیاندنی دۆناڵد ترەمپ، سەرۆکی ئەمریکا، کە کێڤین وارش، پارێزگاری پێشووی بانکی ناوەندیی ئەمریکای هەڵبژاردووە بۆ پۆستی سەرۆکایەتیی بانکی ناوەندیی ئەمریکا بۆ جێگرتنەوەی جیرۆم پاوڵ. هەروەها بەرزبوونەوەی بەهای دۆلار و پرۆسەی کۆکردنەوەی قازانج ڕۆڵیان هەبووە لە خێراکردنی دابەزینی نرخی زێڕ.
