شۆڕشێکی نوێ لە جیهانی مۆسیقادا
کۆمپانیای گوگڵ مۆدێلی نوێی ژیری دەسکردی بۆ دروستکردنی مۆسیقا بە ناوی Lyria 3 Pro ڕاگەیاند، کە بازدانێکی گەورەیە بەراورد بە مۆديلەکانی پێشوو. جیاوازییە سەرەکییەکە لەوەدایە کە ئەم مۆدێلە دەتوانێت پارچە مۆسیقای تەواو بە ماوەی ٣ خولەک دروست بکات، لە کاتێکدا جۆری پێشوو تەنها ٣٠ چرکە بوو. ئەم مۆدێلە ڕێگە بە بەکارهێنەر دەدات بە وردی کۆنتڕۆڵی پێکهاتەی گۆرانییەکە بکات، وەک دیاریکردنی دەستپێک، بەستەر و کۆتایی تەنها لە ڕێگەی نووسینەوە.
ئەم خزمەتگوزارییە بۆ بەشداربوانی جیمینای (Gemini) بەپێی پارە بەردەست دەبێت و لە ناو بەرنامەکانی تری گوگڵیش وەک Google Vids جێگیر دەکرێت. گوگڵ جەختی کردووەتەوە کە مۆدێلەکە لاسایی هیچ هونەرمەندێکی دیاریکراو ناکاتەوە، بەڵکو ئیلهامی گشتی وەردەگرێت. هەروەها بۆ پاراستنی مافی خاوەندارێتی، هەموو ئەو مۆسیقایانەی بەم سیستەمە دروست دەکرێن، نیشانەیەکی دیجیتاڵیی تایبەتیان (SynthID) پێوە دەبێت بۆ ئەوەی بناسرێنەوە کە بە ژیری دەسکرد بەرهەم هێنراون.
