ئایفۆن ١٧ دەکەوێتە ناو زەریاوە و بەردەوام دەبێت لە تۆمارکردن

دوای بڵاوبوونەوەی ڕاپۆرتێک سەبارەت بە دەرهێنانەوەی ئایفۆن ١٦ پرۆ لە دەریای ناوەڕاستدا، ڕووداوێکی هاوشێوە دووبارە بووەوە؛ کاتێک ئایفۆن ١٧ پرۆ ماکسێک، کە نرخەکەی لە نێوان ١,٢٠٠ بۆ ٢,٠٠٠ دۆلاردایە، لە ناوچەی (Martha’s Vineyard) کەوتە ناو زەریای ئەتڵەسییەوە.

مۆبایلەکە کە هی دوو ئەنفلۆنسەری نیشتەجێی نیویۆرک بوو بە ناوەکانی کیمچی و جۆلۆف (ووراوڵا)، بەهۆی باوە لەسەر ستاندەکەی وەرگەڕا و بۆ ماوەی دوو کاتژمێر و نیو لەناو ئاوە لێڵ و سوێرەکەدا نوقم بوو. ئەم دوو هاوسەرە بێهیوا نەبوون و مەلەوانێکی فریاگوزارییان بەکرێ گرت؛ ئەویش بە شێوەیەکی سەرسوڕهێنەر مۆبایلەکەی دۆزییەوە لە کاتێکدا هێشتا بەردەوام بوو لە تۆمارکردنی ڕووداوەکە، کە دواتر ڤیدیۆ تەواوەکەیان لە یوتیوب بڵاوکردەوە.

 ئەگەرچی ئایفۆن ١٧ پرۆ ماکس شانازی بە خاوەندارێتی پلەی (IP68) دەکات —کە بەواتای ئەوە دێت بە تەواوی دژە تۆزە و بۆ ژێر ئاوکەوتنی ئاوی شیرین تا قووڵایی ١.٥ مەتر (٥ پێ) دیاری کراوە— بەڵام لە ڕووی تەکنیکییەوە وەک دژە ئاو (Water-resistant) پۆلێن کراوە نەک نەبڕکۆ (Waterproof).

دواجار، لەبەر ئەوەی ئەم پێوەرە فەرمییانە کاریگەریی تێکدەرانەی ئاوی دەریا ناگرنەوە، شارەزایان هۆشداری دەدەن کە سەرەڕای بەختە باشەکەی ئەم هەفتەیەی بەرهەمەکانی ئەپڵ لەناو زەریادا، باشترە بەکارهێنەران ئەم سەرکێشییە لەسەر مۆبایلەکانی خۆیان تاقی نەکەنەوە.