“نڤیدیا” فێڵ دەکات بۆ چوونە ناو چین و “هواوەی” هەنگاوە گەورەکەی دوادەخات

لە کاتی بەرزبوونەوەی ڕکابەری جیهانی لەسەر تەکنەلۆژیاکانی زیرەکی دەستکردا، کۆمپانیای چینی هواوەی خۆی بینیووەتەوە ناچار بە دواخستنی پلانەکانی سەبارەت بە بەرهەمهێنانی خێراکەری نوێی Ascend 910C، لە کاتێکدا ڕکابەرەکەی ئەمریکی “نڤیدیا” بە متمانەوە بەرەو بازاڕی چینی دەڕوات سەرەڕای سنوورداریییەکانی داندراوی واشنتۆن.

هواوەی ئەمڕۆ یاریزانە سەرەکییەکەیە لە بازاڕی خێراکەرەکانی ژیری دەستکرد لە ناوخۆی چین، بەتایبەتی دوای ئەوەی حکومەتی ئەمریکی ڕێگری لە نڤیدیا کرد چیپە پێشکەوتووەکانی وەک H20 ناردە بازاڕی چینی، بەپێی ڕاپۆرتێک لە ماڵپەڕی “phonearena”.

نڤیدیا خێراکەرێکی نوێی پەرەپێداوە بە ناوی B40، کە بە تایبەتی دیزاین کراوە بۆ ئەوەی لەگەڵ یاساکانی ئەمریکی بۆ هەناردە گونجاو بێت، ئەمەش ڕێگای پێدەدات بچێتە ناو بازاڕی چینی بەبێ پێشێلکردنی سزاکان. بەرهەمهێنانی خێراکەری B40 لە مانگی ئێستادا دەستپێدەکات و پشت بە تەلارسازی نوێی “بلاکویل”ی نڤیدیا دەبەستێت کە هاوسەنگی نێوان کارکردنی بەرز و پەیڕەوکردنی یاساکانی هەناردە دابین دەکات.

داواکاری لەسەر تەکنەلۆژیاکانی ژیری دەستکرد لە چیندا گەشەسەندنێکی زەبەلاحی دەبینێت. هەندێک لە کڕیارە ناوخۆییەکان بە ڕوونی بەکۆمپانیا دابینکەرەکانی چیپیان گوتووە: “لەوەی بەردەستە بکڕن… ئەگەرنا هیچ مامەڵەیەک نایەت”.

لە بەرامبەردا، هواوەی ئامانجی ئەوەی هەبوو دەستپێکردنی بەرهەمهێنانی گەورەی پرۆسێسەری نوێی Ascend 910C لە مانگی حوزەیرانی ئەمساڵ، بەڵام تویتێک لە @Jukanlosreve ی دەرچووی تەکنیکی ناسراو ئاشکرای کرد کە کاتەکەی تا کۆتایی ئەمساڵ دواخراوە بەهۆی ئاستەنگە تەکنیکییەکان و کێشەکان لە زنجیرەی دابینکردن.

بریارە کۆمپانیای چینی SMIC بەرپرسیاری دروستکردنی پرۆسێسەرەکە بێت بە بەکارهێنانی تەکنەلۆژیای دروستکردن بە وردی ٧ نانۆمەتری نەوەی دووەم (N+2). لە بەرامبەردا، نڤیدیا کۆمپانیای تایوانی TSMC بەکاردەهێنێت کە بەر ئەو سزایانەی ئەمریکا ناکەوێت، بۆ دروستکردنی چیپی H20 بە بەکارهێنانی تەکنەلۆژیای پێشکەوتووی ٤ نانۆمەتر (4N)، ئەمەش باشتری پێدەدات لە ڕووی کارکردن و کارایی بەکارهێنانی وزە.

ناوەکی ئەم ڕکابەرییە لە سروشتی خێراکەرەکانی زیرەکی دەستکردایە کە پشت بە یەکەکانی پرۆسێسکردنی گرافیک (GPU) دەبەستن بۆ کارپێکردنی ئەلگۆریتمەکانی فێربوونی ئامێر بە شێوەی هاوکاتی، ئەمەش دەسەڵاتێکی بەرچاوی پێدەدات بەراورد بە یەکەکانی پرۆسێسکردنی ناوەندی (CPU) ی نەریتی کە بە شێوەی زنجیرەیی کاردەکەن.

لە کۆتاییدا، ئەم ڕکابەرییە نێوان هواوەی و نڤیدیا ئەو گرنگیە نیشان دەدات کە بازاڕی ژیری دەستکردی هەیە، هەروەها قووڵی کاریگەری سزاکانی جیۆسیاسی لەسەر دینامیکییەتی داهێنانی تەکنیکی، کە هەر لایەک هەوڵدەدات دەسەڵاتی خۆی لەسەر داهاتووی دیجیتاڵی بسەپێنێت لە ڕێگای پرۆسێسەرە زیرەکەکانەوە.