ئەمریکا دەکەوێتە حاڵەتی “ئیفلیجی فیدراڵی”
وڵاتە یەکگرتووەکانی ئەمریکا لە بەیانی ئەمڕۆ کەوتە حاڵەتی ئیفلیجی فیدراڵی دوای شکستی کۆنگرێس لە پەسەندکردنی درێژەپێدانی بودجە. ئەمە دەبێتە هۆی وەستانی کار لە زۆرێک لە وەزارەتەکان و دەزگا فیدراڵیەکان و ناردنی فەرمانبەرانیان بۆ پشووی ناچاری.
ئەمە یەکەم داخستنی حکومەتە لە ماوەی نزیکەی حەوت ساڵدا، و ڕوویدا دوای ئەوەی نەتوانرا دابینکردنی دارایی حکومەت درێژ بکەنەوە. نزیکەی ٧٥٠ هەزار فەرمانبەر کاریان دەوەستێنرێت بە تێچووی ڕۆژانەی ٤٠٠ ملیۆن دۆلار، و زۆرێک لە خزمەتگوزاریەکان وەک گەشتی ئاسمانی و توێژینەوەی زانستی کاریگەری لێدەکەوێت.
ترامپ دیموکراتەکانی تاوانبارکرد بە وەستانی دانوستانەکان و هەڕەشەی کرد بە سزادانیان لە ماوەی داخستنەکەدا. ئەو وتی “کۆمەڵێک شتی باش دەتوانێت لە داخستنەکاندا بێت” و پێشنیاری کرد بەکارهێنانی ئەم ماوەیە بۆ “لابردنی شتە دیموکراتەکان”.
