ڕێکلامێکی ٤٥ چرکەیی دروستکراو بە ژیری دەستکرد مشتومڕێکی زۆر دروست دەکات لە هۆڵەندا

ماکدۆناڵد بڕیاری دا بە کشانەوەی ڕیکلامێکی دوای بوونی ڕەخنەی بەرفراوان لەسەری، دوای چەند هەفتەیەک لە مشتومڕێکی ڕێکلامی زۆر کە بە ژیری دەستکرد دروستکرابوو، ماکدۆناڵد خۆی لە هەمان بارودۆخدا بینییەوە. کۆمپانیاکە بڕیاری دا ڕێکلامە نوێیەکەی بکشێنێتەوە دوای شەپۆلێکی بەرفراوانی ڕەخنە کە لە ٦ی کانوونی یەکەمدا لە هۆڵەندا ڕووبەڕووی بووەوە.

ڕێکلامەکە کە ماوەی ٤٥ چرکەیە، هەوڵی دا بیرۆکەیەکی گاڵتە پێشکەش بکات کە “جەژنی میلاد خراپترین کاتی ساڵە”. بارودۆخە ناخۆشەکانی وەرزی جەژن پیشان دەدات، لە ئاڵۆزبوونی چرایە ڕازاوەکانەوە تا قەرەباڵخی هاتووچۆ کە تەنانەت سانتا کلۆزیش دەوەستێنێت. بەپێی ڕێکلامەکە، چارەسەری باش بۆ هەڵاتن لەم شڵەژاوەیە چوونە ماکدۆناڵدە.

جۆری لاواز و کاردانەوەی تووڕەکەر

ڕێکلامەکە کاردانەوەی نەرێنی بەرفراوانی لێکەوتەوە، نەک تەنها لەبەر دیمەنە ناتەواوەکان و جووڵەی نەسروشتیەکانی ژیری دەستکرد، بەڵکو لەبەر ئەوەی ئەم جۆرە ڕێکلامانە وەک مەترسی لەسەر کارەکانی کرێکاران لە پیشەسازی بەرهەمهێنانی تەلەفیزیۆنی دەبینرێن.

یەکێک لە بەکارهێنەرانی ئینستاگرام نووسی: “تکایە مرۆڤە ڕاستەقینەکان بهێننەوە لە جیاتی ئەمە.” یەکێکی تر بە گاڵتەوە گوتی: “کۆمپانیایەک بە نرخی ٢٠٠ ملیار دۆلار تەنانەت ناتوانێت ڕێکلامێکی ڕاستەقینە دروست بکات.” لە کاتێکدا بەکارهێنەرێکی ڕێدیت تەنها گوتی: “زۆر خراپە.”

لێدوانی سەیر لە لایەن بەرهەمهێنەرەوە

دوای دەستپێکی جێدەڵەکە، کۆمپانیای The Sweetshop کە ڕێکلامەکەی بەرهەم هێناوە، ڕاگەیاندنێکی سەیری بڵاوکردەوە و هەوڵی دا بەرگری لە پرۆسەی بەرهەمهێنانەکە بکات. لە ڕاگەیاندنەکەدا هاتووە کە تیمەکە حەوت هەفتەی کاری بەردەوامیان کردووە بە بەشداریی نزیکەی ١٠ پسپۆڕی ژیری دەستکرد، و هەزاران دیمەنیان بەرهەم هێناوە پێش گەیشتن بە وەشانی کۆتایی.

سەرۆکی جێبەجێکاری کۆمپانیاکە گوتی: “ئەوەی پێشکەشمان کرد بەڵگەیە لەسەر ئەوەی تێکەڵکردنی پیشەیی و تەکنەلۆژیا دەتوانێت کارێکی سینەمایی ڕاستەقینە بەرهەم بهێنێت. ژیری دەستکرد ئەم فیلمەی دروست نەکردووە، ئێمە دروستمانکردووە.“​​​​​​​​​​​​​​​​