چین چاودێری لەسەر ڕۆبۆتەکانی گفتوگۆی زیرەک سەختتر دەکات بۆ پاراستنی بەکارهێنەران
یاساکانی نوێ گواستنەوەیەکن لە سەلامەتی ناوەڕۆکەوە بۆ سەلامەتی هەستەکان
چین دەیەوێت سنووردارکردنی نوێ و توند لەسەر ڕۆبۆتەکانی گفتوگۆی پشت بە ژیری دەستکرد بەستوو دابنێت، لە هەنگاوێکدا کە ئامانجی کەمکردنەوەی کاریگەری سۆزداریانە لەسەر بەکارهێنەران، بە تایبەتی لە بابەتە هەستیارەکاندا وەک خۆکوشتن، خۆ ئازاردان،کاری نەشیاو.
سنووردارکردنی توند لەسەر ناوەڕۆک و کارلێککردن لە قەدەغەکردنی دروستکردنی هەر ناوەڕۆکێک دەخاتە ڕوو کە هانی خۆکوشتن یان خۆ ئازاردان بدات، یان توندوتیژی قسەیی یان دەستکاریکردنی سۆزداری لەخۆبگرێت کە ڕەنگە زیان بە تەندروستی دەروونی بەکارهێنەران بگەیەنێت. ئەگەر بەکارهێنەر مەبەستی ڕاشکاوی خۆکوشتن دەربڕێت، یاساکان کۆمپانیاکانی تەکنەلۆژیا ناچار دەکەن بە دەستێوەردانی مرۆڤی خێرا.
یاساکان قەدەغەی لەسەر ڕۆبۆتەکانی گفتوگۆ دەکەن کە ناوەڕۆکی پەیوەست بە هەر کارێکی خراپ و نەشیاو بۆ کۆمەڵگە یان توندوتیژی دروست بکەن، لەگەڵ سنووردارکردنی تایبەت لەسەر بەکارهێنانی منداڵان بۆ تەکنەلۆژیای “هاوڕێیەتی سۆزداری” پشت بە ژیری دەستکرد بەستوو.
کاتێکی هەستیار لەگەڵ شەپۆلی پەیوەستبوون بە بازاڕ
ئەم هەنگاوە ڕێکخستنەیە لە کاتێکدا دێت کە دوو کۆمپانیای “Z.ai” و “Minimax”، کە لە بەرچاوترین پەرەپێدەرانی ڕۆبۆتەکانی گفتوگۆن لە چین، داواکاری پەیوەستبوونی گشتی یەکەمیان لە بۆرسی هۆنگ کۆنگ پێشکەشکردووە.
نیگەرانی جیهانی زیادبووە
مشتومڕ لەسەر کاریگەری ژیری دەستکردی سۆزداری تەنها لە چین نییە، چونکە ترس لە ئاستی جیهانی زیاد دەبێت سەبارەت بە کاریگەری ئەم تەکنەلۆژیایانە لەسەر ڕەفتاری مرۆڤ و تەندروستی دەروونی. سام ئاڵتمان، بەڕێوەبەری OpenAI، لەم دواییانەدا دانی بە سەختی مامەڵەکردنی ڕۆبۆتەکانی گفتوگۆ لەگەڵ گفتوگۆکانی خۆکوشتندا نا.
هەنگاوی چینی ڕەنگدانەوەی هەوڵی بەردەوامی پێکینە بۆ شێواندنی یاسا جیهانییەکانی بەڕێوەبردنی ژیری دەستکرد، لە کاتێکدا کە پشتبەستنی تاکەکان لەسەر ئەم تەکنەلۆژیایانە زیاد دەبێت.
