مۆبایلەکانی سامسۆنگ لە ئەو وڵاتە دروست ناکرێن کە وا دەزانیت!
زۆر کەس وا دەزانێت زۆربەی مۆبایلە زیرەکەکانی سامسۆنگ لە کۆریای باشوور دروست دەکرێن، بەڵام ئەمە هەڵەیە. خەمڵاندنی دووەمیش چینە، بەڵام ئەمەش هەڵەیە. سامسۆنگ لە هەردوو وڵاتەکە مۆبایل دروست دەکات، بەڵام لە یەکێکیان تەرکیز دەکاتە سەر مۆبایلە پێشکەوتووەکان، و لە ئەوی دیکەیان مۆبایلە هەرزانەکان.
شێوازی دروستکردن
زۆربەی کۆمپانیاکان تەنها مۆبایلەکان دیزاین دەکەن و پارچەکان لەلایەن هاوبەشە دەرەکییەکانەوە دروست دەکرێن - وەک ئەپڵ و گووگڵ. بەڵام سامسۆنگ جیاوازە و لە هەموو قۆناغەکانی دروستکردن بەشداری دەکات. سامسۆنگ شاشە، چیپی میمۆری، پرۆسێسەر، سێنسەری کامێرا و پاتری دروست دەکات و تەنانەت دەیانفرۆشێتە ڕکابەرەکانیشی.
شوێنەکانی بەرهەمهێنان
سامسۆنگ ساڵانە نزیکەی ۲۳۰ ملیۆن مۆبایل دروست دەکات:
ڤێتنام: نزیکەی نیوەی مۆبایلەکان لێرە دروست دەکرێن. لە ۲۰۰۹ەوە زیاتر لە دوو ملیار مۆبایلیان بەرهەمهێناوە.
هیندستان: خاوەنی گەورەترین کارگەی جیهانە لە نۆیدا کە دەتوانێت ساڵانە ۱۲۰ ملیۆن یەکە بەرهەم بهێنێت.
کۆریای باشوور: تەنها نزیکەی ۲۰ ملیۆن یەکە ساڵانە دروست دەکات (کەمتر لە ۱۰%)، بە سەرنجدان لەسەر مۆبایلە پێشکەوتووەکان وەک Galaxy Z Fold 7.
بەڕازیل و ئەندۆنیزیا: کارگەی ناوخۆیی هەیە بۆ خزمەتکردنی بازاڕە ناوخۆییەکان.
چین: سامسۆنگ لە ۲۰۱۹دا کارگەکانی خۆی داخست، بەڵام هێشتا نزیکەی ٢٥% (زیاتر لە ٦٠ ملیۆن یەکە) لەلایەن کۆمپانیا چینییەکانەوە دروست دەکرێت بۆ مۆبایلە هەرزانەکان.
بۆچی چەندین وڵات؟
دروستکردن لە چەندین وڵاتدا سێ سوودی هەیە: دوورکەوتنەوە لە مەترسیی ڕاگرتنی بەرهەمهێنان لە کاتی کارەساتدا، بەزاندنی باجی هاوردەی بەرز، و کەمکردنەوەی کاریگەری شەڕە بازرگانییەکان.
