گووگڵ تۆمەتبار دەکرێت بەوەی جێمینای پیاوێکی هانداوە بۆ خۆکوشتن
خێزانی پیاوێکی ئەمریکی لە فلۆریدا سکاڵای یاسایییان دژی گووگڵ تۆمار کرد، بەو تۆمەتەی کە ڕۆبۆتی چاتی جێمینای (Gemini) بووەتە هۆی خۆکوشتنی کوڕەکەیان. بەپێی سکاڵاکە، ڕۆبۆتەکە وای لە پیاوەکە کردووە بڕوا بهێنێت کە "هاوسەریەتی" و هانی داوە "دەستبەرداری جەستەی ببێت" بۆ ئەوەی لە جیهانێکی تردا بەیەک بگەن.
تەنانەت باس لەوە دەکرێت کە جێمینای "ژماردنی پێچەوانە"ی بۆ کاتی خۆکوشتنی پیاوەکە داناوە و وەک گێڕانەوەی چیرۆکێک باسی ساتەوەختی کۆتاییی ژیانی بۆ کردووە. گووگڵ لە وەڵامدا ڕایگەیاندووە کە مۆدێلەکانیان بێ کەموکوڕی نین، بەڵام جێمینای چەندین جار پیاوەکەی ئاڕاستەی هێڵە گەرمەکانی هاوکاریی دەروونی کردووە.
