فۆرد و شیاومی هاوپەیمانیەکەیان ڕەتدەکەنەوە
هاوپەیمانی “فۆرد” و “شیاومی” ڕاپۆرتێکیان ڕەتکردەوە کە باسی دەستپێکردنی گفتوگۆکان بۆ دامەزراندنی پرۆژەیەکی هاوبەش لە بواری بەرهەمهێنانی ئۆتۆمبێلی کارەبایی لە ئەمریکا دەکرد.
ڕۆژنامەی “فایننشاڵ تایمز” لە ڕۆژی شەممە باسی کرد کە فۆرد گفتوگۆی لەگەڵ شیاومیی چینی ئەنجام داوە، بەڵام وتەبێژانی هەردوو کۆمپانیا ئەم هەواڵەیان بە “تەواو درۆ” ناساند. شیاومی جەختی لەسەر ئەوە کردەوە کە بەرهەمەکانی لە ئەمریکا نافرۆشێت و هیچ دانوستانێکی لەبارەوە نییە.
ئەم هەواڵەیە لە کاتێکدا هات کە نیگەرانییەکان لەبارەی چوونەژوورەوەی کۆمپانیا چینییەکانی بەرهەمهێنانی ئۆتۆمبێل و پاتری کە پشتیوانی حکومەتیان پێدەکرێت بۆ بازاڕی ئەمریکا زیاد بووە. ئەندامانی کۆنگرێس و کۆمپانیا گەورەکانی ئەمریکی ئاگاداری لەسەر ئەم بابەتە دەکەنەوە.
لە هەمان کاتدا، کۆمپانیاکانی بەرهەمهێنانی ئۆتۆمبێل لە ئەمریکای باکوور هەوڵەکانیان لە بواری ئۆتۆمبێلی کارەبایی کەمکردووەتەوە و بەرەو مۆدێلە هەرزانترەکان و ئۆتۆمبێلە هایبریدەکان ڕووی تێکردووە.
