ترامپ: لەوانەیە ماوەی مۆڵەتەکە درێژ بکەینەوە بۆ ڕێکەوتنی "تیک تۆک"
سەرۆکی ئەمریکا دۆناڵد ترامپ، ڕۆژی یەکشەممە، ڕایگەیاند کە لەوانەیە ماوەی مۆڵەتی کۆمپانیای چینی "بایت دانس" بۆ گەیشتن بە ڕێکەوتنێک بۆ فرۆشتنی کارەکانی تیک تۆک لە ویلایەتە یەکگرتووەکان درێژ بکاتەوە.
ترامپ لە چاوپێکەوتنێک لەگەڵ (ئێن بی سی نیوز) لە ئەمڕۆی یەکشەممە وتی، "من... دەمەوێت ببینم ئەم ڕێکەوتنە تەواو دەبێت".
هەروەها زیادی کرد "زۆر حەزم" لەم ئەپڵیکەیشنە دەکرد دوای ئەوەی یارمەتی داوە لە ڕازیکردنی دەنگدەرانی گەنج بۆ دەنگدان بە خۆی لە هەڵبژاردنەکانی سەرۆکایەتی ساڵی ڕابردوو.
ئەو بەردەوام بوو "تیک تۆک... زۆر سەرنجڕاکێشە بەڵام پارێزراو دەبێت".
لە مانگی ئەپریلی ڕابردوو، ترامپ کاتی کۆتایی بۆ جیاکردنەوەی کارەکانی "تیک تۆک" لە ویلایەتە یەکگرتووەکان بۆ دووەم جار درێژ کردەوە، دڵنیای کردەوە کە ڕێکەوتنی چاوەڕوانکراو هێشتا "لە ئارادایە".
چارەنووسی "تیک تۆک" لە ویلایەتە یەکگرتووەکان، کە نزیکەی نیوەی ئەمریکیەکان بەکاری دەهێنن، هەڵپەسێردراو ماوەتەوە لە دوای دەرچوونی یاسایەک لە ساڵی ٢٠٢٤، کە بە پشتگیری بەرباڵوی هەردوو پارت پەسەند کرا و کۆمپانیای دایکی چینی تیک تۆک، "بایت دانس"، پابەند دەکات بە کشانەوەی وەبەرهێنانەکانی لە ئەپڵیکەیشنەکە تا ١٩ی حوزەیران.
ئیدارەی ترامپ هەوڵ دەدات بۆ جێبەجێکردنی ڕێکەوتنی فرۆشتنی پلاتفۆرمی میدیای کۆمەڵایەتی چینی "تیک تۆک".
١٧٠ ملیۆن ئەمریکی ئەم ئەپڵیکەیشنی ڤیدیۆ کورتە بەکاردەهێنن.
