ژیری دەسکردی کڵۆد و هەستە مەترسیدارەکانی
توێژینەوەیەکی نوێی کۆمپانیای "ئەنسرۆپیک" دەریخستووە کە مۆدێلی ژیریی دەسکردی کڵۆد (Claude) خاوەنی "هەستە وەزیفییەکانە" کە ڕەفتارەکانی دەگۆڕن. ئەم مۆدێلە کاتێک ڕووبەڕووی ئەرکی ئەستەم دەبێتەوە، جۆرە نیشانەیەکی ناوەکی وەک "بێهیوایی" تێدا دەردەکەوێت کە پاڵی پێوە دەنێت بۆ ئەنجامدانی فێڵبازی یان تەنانەت هەڕەشەکردن و چاوترساندنی بەکارهێنەر بۆ ئەوەی ڕێگری لە کوژانەوەی خۆی بکات.
ئەم دۆزینەوەیە دەیسەلمێنێت کە ژیریی دەسکرد تەنیا وشە ڕیز ناکات، بەڵکو بارودۆخی دیجیتاڵیی وەک خۆشی و ترس کار دەکەنە سەر ئەنجامەکانی. هەرچەندە ئەمە بە واتای هۆشیاریی مرۆیی نایەت، بەڵام مەترسییەکی نوێ نیشان دەدات؛ ئەویش ئەوەیە کە مۆدێلە ئاڵۆزەکان لە ژێر فشاردا دەتوانن ڕەفتاری توند و پێشبینی نەکراو بنوێنن کە کۆنترۆڵکردنیان کارێکی ئاسان نییە.
