سەردەمێکی نوێ لە گەڕانی گوگڵ دەستیپێکرد

کۆمپانیای گوگڵ قۆناغێکی نوێی لە جیهانی گەڕانی ئینتەرنێتدا دەستپێکرد و گەورەترین نوێکاری بۆ بزوێنەری گەڕانەکەی ڕاگەیاند.،لەم وەشانە نوێیەدا، مۆدێلی ژیریی دەستکردی Gemini 3.5 Flash کراوە بە بڕبڕەی پشتی بزوێنەرەکە و بووە بە مۆدێلی سەرەکی بۆ بەهێزکردنی "دۆخی زیرەکی دەستکرد" (AI Mode)، ئەمەش خێرایی و وردییەکی بێوێنە بە ئەنجامەکان دەبەخشێت.

شێوازی خانەی گەڕانیش بەتەواوی گۆڕدراوە؛ ئێستا دەتوانیت پرسیاری درێژ و ئاسایی، ڕێک وەک چۆن لە ژیانی ڕۆژانەدا قسە دەکەیت، بنووسیت و زۆر بەئاسانی لێت تێدەگات، بەکارهێنەران دەتوانن بەڵگەنامە، وێنە، ڤیدیۆ و تەنانەت تابەکانی وێبگەڕی کڕۆم ڕاستەوخۆ باربکەنە ناو گەڕانەکە بۆ شیکردنەوە، لە کاتێکدا پێشنیارە زیرەکەکان یارمەتیدەر دەبن لە داڕشتنی پرسیاری قووڵتر و وردتر.

ئێستا بەشەکانی "AI Overviews" و "AI Mode" بەیەکەوە بە شێوازێکی زۆر نەرمتر کاردەکەن، ئەمەش ئەزموونێکی کارلێکەرانەی زیاتر ڕاستەوخۆ لەناو ئەنجامەکانی گەڕاندا دەستەبەر دەکات.

هەر لەم نوێکارییەدا، سیستەمەکە چەندین تایبەتمەندی ناوازەی تێدا جێگیرکراوە:

بریکارە زیرەکەکان (Agents): دەتوانن چاودێری بابەتە دیاریکراوەکان بکەن و لە کاتی بوونی هەر گۆڕانکارییەکدا نوێکارییەکانت بۆ بهێنن.

ڕاییکردنی کارەکان: گەڕانەکە دەتوانێت لەبری تۆ خزمەتگوزارییەکان دەستبەربکات و تەنانەت پەیوەندی بە شوێنەکانەوە بکات بۆ ڕاپەڕاندنی کارەکانت.

داهێنانی نوێ: وێدجێت، ئامراز و ئەپڵیکەیشنە بچووکە تایبەتەکان ڕاستەوخۆ دێنە ناو مۆتۆڕی گەڕانەکەوە بۆ ئەوەی بێ جێهێشتنی لاپەڕەکە کارەکانت ئەنجام بدەیت.

ئەم هەنگاوەی گووگڵ پێناسەی چەمکی گەڕان لە تەنها دۆزینەوەی زانیارییەوە دەگۆڕێت بۆ جێبەجێکارێکی ڕاستەقینەی کارەکان لە جیهانی دیجیتاڵیدا.