دانپێدانانەکەی مارک زەکەربێرگ؛ مێتا لە گۆڕینی هێزی کارەکەی بەرەو AI تووشی "هەڵە" بووە!

لە یاسایەکی ناوخۆیی و کتوپڕدا کە دزەی کردووەتە ناو میدیاکان، مارک زەکەربێرگ بە ئاشکرا دانی بەوەدا نا کە کۆمپانیای Meta لە پرۆسەی گۆڕینی هێزی کاری بەرەو ژیریی دەستکرد (AI) تووشی چەندین هەڵەی ستراتیژی بووە و پێشبینیش دەکات بەهۆی ئاڵۆزیی گۆڕانکارییەکانەوە هەڵەی زیاتریش ڕووبدەن. زەکەربێرگ کە سەدان ملیار دۆلار بۆ گۆڕینی بنچینەیی کۆمپانیاکەی بەکار دەهێنێت و پێشبینی خەرجییەکانی مێتای بۆ $125 ملیار تا $145 ملیار دۆلار بەرزکردووەتەوە، هەوڵدەدات زۆرترین سەقامگیری بۆ کارمەندەکانی دابین بکات و ڕایگەیاندووە کە هیچ شەپۆلێکی تری دەرکردنی گشتی (Layoffs) لەم ساڵەدا ڕوونادات.

ئەم گۆڕانکارییە گەورەیە دوای ئەوە دێت کە مێتا لە مانگی ئایاردا %10ی هێزی کاری خۆی کەمکردەوە و 7,000 کارمەندی گواستەوە بۆ پڕۆژەکانی AI؛ ئێستاش زەکەربێرگ بەڵێن دەدات ڕۆڵی نوێ بۆ ئەو کارمەندانە بدۆزێتەوە بە جۆرێک ئەگەر لە شوێنێک هەڵە بکرێت، بتوانرێت بگەڕێنرێنەوە بۆ شوێنەکانی پێشوویان. هاوکات، مێتا بڕیاریداوە پێداچوونەوە بە پێکهاتە کارگێڕییە تەختەکەی یەکەی نوێی ئەندازیاریی AI (Applied AI Engineering) بکات—کە تێیدا ڕێژەی کارمەندان بەرامبەر بەڕێوەبەر گەیشتبووە 50 بۆ 1—تا قورسایی سەر بەڕێوەبەران کەمبکاتەوە. بۆ بەهێزکردنی گیانی هاوکاری و پەرەپێدانی دوایین مۆدێلەکانیش، مێتا بوودجەی چالاکییە دەرەکییەکان بەرز دەکاتەوە و ها کاتۆنێکی (Hackathon) گەورە لە مانگی تەمموزدا ڕێکدەخات.

تێبینی: مێتا کاتێک لەلایەن ڕۆیتەرزەوە پەیوەندییان پێوە کراوە، ئامادە نەبووە هیچ لێدوانێک لەسەر ئەم یاداشتە بدات