کۆمپانیای "کافیار" کۆمەڵێک مۆبایلی ئایفۆنی گرانبەها و زێڕینی نوێی دەرکردووە کە لە کاتژمێرە سویسرییە ناودارەکانەوە ئیلهام وەرگرتووە
ئەم کۆمەڵە نوێیە بە ناوی "Corona" ناسراوە و تایبەتمەندی سەرەکیی ئەوەیە کە دیزاینی کامێراکەی لە جیاتی شێوەی لارەکی ئاسایی ئەپڵ، شێوەی سێگۆشەیی هاوسەنگە کە لە چوارچێوەیەکی خوار دەوری گرتووە. ئەم دیزاینە لە جوانی و هاوسەنگی کاتژمێرە کلاسیکییە سویسرییەکانەوە ئیلهام وەرگرتووە.
ئەم کۆمەڵەیە چوار جۆری جیاوازی هەیە: "نایتوینگ" کە لە کاتژمێری پاتێک فیلیپ ئیلهام وەرگرتووە، "تاپیسییری" کە لە ئاودیمار پیگێ ڕۆیال ئۆک وەرگیراوە، "هێکساگۆن" کە لە ڕۆلێکس سی دوێلەر وەرگیراوە، و "سکای فیلیجری" کە لە پاتێک فیلیپ سکای مون وەرگیراوە. هەموو مۆبایلەکان لە تایتانیومی پۆشراو بە تەکنیکی PVD دروستکراون و پشتیان لە زێڕی ٢٤ قیراتی پۆشراوە.
ئەم مۆبایلانە تەنها بۆ ئایفۆن ١٦ پڕۆ و پڕۆ مێکس بەردەستن و بە ژمارەیەکی سنووردار بەرهەم دەهێنرێن. نرخەکانیان لە ٨٢٠٠ دۆلارەوە دەست پێدەکات و هەر یەکەیان بە دەست دروستدەکرێت. هەروەها کۆمپانیاکە کۆمەڵێکی دیکەی بە ناوی "میراتی ڕۆحی" دەرکردووە کە نرخەکەی لە ٨٣٤٠ دۆلارەوە دەست پێدەکات، هەروەها مۆبایلێکی تایبەتیان دەرکردووە بە نرخی ١٠٠ هەزار دۆلار کە لە تەلارسازی کاتێدرالی نۆترەدامەوە ئیلهام وەرگرتووە.
