داهێنانێکی سەیر لە “ئیکیا”.. سیسەمێکی بچووک بۆ مۆبایلەکەت یارمەتیت دەدات باش بنووی
کۆمپانیای ئیکیا بەرهەمێکی نوێی بە ناوی Phone Sleep Collection دەرخست کە سیسەمێکی بچووکە تایبەت بە مۆبایلی زیرەک، تەکنەلۆژیای NFC ـی تێدایە بۆ یارمەتیدانی بەکارهێنەران لە کەمکردنەوەی کاتی تەماشاکردنی شاشە و باشترکردنی کوالیتی خەوەکانیان.
بیرۆکەکە سادەیە بەڵام داهێنەرانەیە. دوای داگرتنی ئەپی “ئیکیا” بۆ iOS یان ئەندرۆید، بەکارهێنەر دەتوانێت پێش خەوتن مۆبایلەکەی لەسەر ئەم نوێنە بچووکە دابنێت.
ئەپەکە ماوەی “پشووی مۆبایل” لەسەر نوێنەکە تۆمار دەکات، ئامانجەکەش حەوت کاتژمێر پشوویە بەردەوامە، وەک پێویستی مرۆڤ.
پێشکەشکردنی نوێی “ئیکیا ئیمارات” ڕێگە دەدات نوێنە بچووکەکە بەخۆڕایی بەدەست بهێنرێت لەگەڵ کڕینی بەرهەم بە نرخی ٧٥٠ درهەم (نزیکەی ٢٠٠ دۆلار) لە کۆمەڵەی خەوی تەواو، لەگەڵ کوپۆنێکی ١٠٠ درهەم بۆ ئەوانەی حەوت شەو بەردەوام “خەوی دروست” تۆماربکەن.
نوێنە بچووکەکە کە پێویستی بە کۆکردنەوەی دەستی هەیە بە شێوازی ئاسایی “ئیکیا”، تەکنەلۆژیا و دیزاین یەکدەخات و چیپی NFC بەکاردەهێنێت بۆ کارلێککردن لەگەڵ مۆبایل کاتێک دەیخرێتە سەر ڕووکاری تایبەتی خەوتن.
ئەگەرچی ئەم پرۆژەیە وەک کەمپینێکی ڕیکلامی سەیر دیارە، بەڵام “ئیکیا” جەخت دەکاتەوە ئامانجی ڕاستەقینە هاندانی بەکارهێنەرانە بۆ دوورکەوتنەوە لە شاشەکان پێش خەوتن، ئەم خووەی کە کاریگەری نەرێنی لەسەر کوالیتی خەو هەیە بەهۆی هەستیارکردنی مێشکی بەردەوام بە ڕووناکی شین و ڕژانی دۆپامین لە ئەنجامی سکرۆڵکردن لە ئەپە کۆمەڵایەتییەکان.
