ئەیرپۆدز لە داهاتوودا دەتوانن شەپۆلەکانی مێشک بخوێننەوە
توێژەرانی کۆمپانیای ئەپڵ شێوازێکی نوێیان پەرەپێداوە بۆ ڕاهێنانی مۆدێلێکی ژیری دەستکرد کە لایەنێک لە چالاکی کارەباییی مێشک تێبگات بەبێ ئەوەی پێویستی بە داتای تێبینیکراو هەبێت. ئەم تەکنیکە بە ناوی “PARS” ناسراوە و لە توێژینەوەیەکی توێژەرانی ئەپڵدا ووردکاری کراوە.
تەکنیکی “PARS” شێوازێکی فێربوونە کە تێیدا مۆدێلی ژیری دەستکرد نوێنەرایەتی شەپۆلەکانی مێشک فێردەبێت لە داتای نەناسێنراو، بەبێ پێویستی بە داتای تێبینیکراوی پێشوەخت. ئەم تەکنیکە پێداویستی بە داتای تێبینیکراوی گرانبەها کەم دەکاتەوە لە بەکارهێنانە پزیشکییەکاندا، وەک دیاریکردنی قۆناغەکانی خەو و دۆزینەوەی تووشبوونی سیسارک.
مۆدێلەکانی ئێستای ژیری دەستکرد بە شێوەیەکی بەرچاو پشت بە داتای دەستی ناسێنراو دەبەستن بۆ چالاکی مێشک. بەڵام ئەپڵ مۆدێلێکی ژیری دەستکردی فێرکرد کە خۆی فێری خۆی بکات بۆ پێشبینیکردنی ماوەی کاتی نێوان بەشە جیاوازەکانی چالاکی مێشک، بە پشتبەستن بە داتای خاو و نەناسێنراو.
ئەنجامەکان بەڵێنپێدەر بوون، چونکە مۆدێلی ڕاهێنراو بە تەکنیکی “PARS” باشتر بوو یان کارایییەکی هاوشێوەی هەبوو بە بەراورد بە شێوازە پێشووەکان لە سێ لە چوار پێوەرە جیاوازەکانی شەپۆلەکانی مێشکدا کە تاقیکرانەوە.
لە ساڵی ٢٠٢٣دا، ئەپڵ داواکاریی پاتێنتێکی پێشکەش کرد بۆ ئامێرێکی ئەلیکترۆنی لەبەرکراو بۆ پێوانی شەپۆلە ژیانییەکانی بەکارهێنەر. داهێنانەکە بە ڕوونی ئاماژە بە ئامێرەکانی پێوانی کارەبای مێشک بۆ گوێ دەکات وەک بەدیلێک بۆ شێوازی دووبارە کە پشت بە تۆمارکردنی شەپۆلەکانی مێشک لە ڕێگەی ئیلیکترۆدەکانی دانراو لەسەر سەردا دەبەستێت. داهێنانەکە پێشنیار دەکات کە ژمارەیەکی زیاتر لە هەستەوەر لە دەوری لایەکانی سماعەکانی ئەیرپۆدز دابنرێت و مۆدێلێکی ژیری دەستکرد بەکاربهێنرێت بۆ هەڵبژاردنی ئەو ئیلیکترۆدانەی کە باشترین کوالیتی شەپۆل دابین دەکەن.
