ڕۆبۆتی ئەتڵەسی مرۆڤانە لە Boston بە دەستنیشانی “گووگڵ دیپ مایند”
کۆمپانیای Boston Dynamics هاوبەشییەکی نوێی لەگەڵ “گووگڵ دیپ مایند” ڕاگەیاند بۆ خێراکردنی گەشەکردنی نەوەی نوێی ڕۆبۆتی مرۆڤانەی ئەتڵەس و زیاتر توانادارکردنی بۆ کارلێککردنی سروشتی لەگەڵ مرۆڤ. هاوبەشییەکە دووشەممە ڕاگەیەنرا لە کۆنفرانسی هیوندای لە پێشانگای CES 2026.
ئامانجەکە یەکخستنی نوێترین مۆدێلەکانی ژیری دەستکردی دیپ مایند لەگەڵ ڕۆبۆتەکانی ئاتلەسە بۆ دروستکردنی پێشکەوتووترین مۆدێل کە توانای جێبەجێکردنی پێداویستییە مرۆڤییە جۆراوجۆرەکانی هەیە. ڕۆبۆتی ئاتلەس یەکەم سەکۆ دەبێت بۆ تاقیکردنەوەی ئەم تەکنەلۆژیا پێشکەوتووانە.
Boston Dynamics بەرهەمی لە بازاڕدا هەیە وەک ڕۆبۆتی Spot کە لە زیاتر لە ٤٠ وڵات بەکاردێت، و Stretch کە لە ٢٠٢٣ەوە زیاتر لە ٢٠ ملیۆن سندووقی مامەڵەی لەگەڵ کردووە. ڕۆبۆتی ئەتڵەس ئێستا لە قۆناغی بەرهەمهێنانە و بەم زووانە دەنێردرێتە کارگەی هیوندای لە جۆرجیا.
ڕۆبۆتەکە ٥٦ پلەی ئازادیی جووڵەی هەیە لەگەڵ دەست بە قەبارەی دەستی مرۆڤ و هەستەوەری دەسلێدان، و دەتوانێت کێشی تا ١١٠ پاوەن هەڵبگرێت. هەروەها کامێرای بە گۆشەی بینینی ٣٦٠ پلەی تێدایە بۆ بینینی نزیکبوونەوەی کەسان.
هیوندای، کە پلانی هەیە ئەتڵەس ئەمساڵ بباتە کارگەکانی، دەستی بە دامەزراندنی بینایەکی نوێ کردووە بە ناوی RMAC بۆ ڕاهێنانی ڕۆبۆتەکان لەسەر جووڵەی ئاڵۆز. ئەم هاوبەشییە هەنگاوێکە بەرەو یەکخستنی ژیری دەستکردی پێشکەوتوو لە ڕۆبۆتە مرۆڤانەکان بۆ کارکردن لەگەڵ مرۆڤ لە کارگە و ژینگە ڕاستەقینەکان.
