Galaxy S23 Ultra" بەرگەی تاقیکردنەوەیەکی قورس دەگرێت و بەرگە دەگرێت: ٥ کاتژمێر لە ڕووبارێکی بەستوودا
مۆبایلی "Galaxy S23 Ultra" ی کۆمپانیای سامسۆنگی کۆریایی بە تەواوی بەرگەی تاقیکردنەوەیەکی قورسی گرت و مۆبایلەکە بە شێوەیەکی ئاسایی بەردەوام بوو لە کارکردن بەبێ هیچ کێشەیەک.
مۆبایلەکە بە تەواوی لە ڕووبارێکی بەستووی قوتبی باکوور نوقوم بوو بۆ ماوەی ٥ کاتژمێر، و کاتێک خاوەنەکەی دەریهێنا هێشتا مۆبایلەکە کاری دەکرد بەبێ هیچ تێکچوونێک، بەپێی هەواڵێک کە "سامسۆنگ" لە بەشی هەواڵەکان لە ماڵپەڕەکەیدا بڵاوی کردووەتەوە.
ئەمە ڕوویدا کاتێک میکائیل کریکۆلا، کە ڕێبەرێکی پیشەیی گەشتی دەشتودەرە و لە کیرۆنای سوید دەژی، ئامێرەکانی سۆناری تاقی دەکردەوە لە ڕووباری کالیکسی بەستوو، کە مۆبایلەکەی لە جۆری "Galaxy S23 Ultra" لە دەستکێشەکەیەوە خلیسکا و کەوتە ناو کونێکی ماسیگرتنەوە لە سەهۆڵەکەدا.
مۆبایلەکە لە ئاوە بەستووەکەدا نوقوم بوو و لە قووڵایی نزیکەی سێ مەتر لە ژێر ڕووی ڕووبارەکە جێگیر بوو.
سەرەڕای بارودۆخە قورسەکان، کریکۆلا بڕیاری دا هەوڵ بدات مۆبایلەکە بگەڕێنێتەوە، و بۆ ماوەی پێنج کاتژمێر، هەشت کونی لە سەهۆڵەکەدا هەڵکەند لە دەوروبەری کونە ڕەسەنەکەی کە مۆبایلەکەی تێدا کەوتبوو تا گۆشەیەکی باشتر بۆ گەئشتن بە مۆبایلەکە بدەست بهێنێت.
ڕێگا جیاوازەکانی بەکارهێنا لە هەوڵی گەیشتن بە مۆبایلەکەدا وەک لقی دار، شەپەڵ، و کیسەیەکی پلاستیکی کە بە داردەستێکەوە بەستبوویەوە.
کاتێک کریکۆلا سەرکەوتوو بوو لە گەڕاندنەوەی مۆبایلە "Galaxy S23 Ultra" ەکەی، هێشتا بە شێوەیەکی ئاسایی کاری دەکرد و سێ پەیوەندی لەدەستچووی پیشان دەدا، و پێویستی بە دووبارە داگیرساندن یان وشک کردنەوە نەبوو.
مۆبایلی "Galaxy S23 Ultra" خاوەنی پۆلێنکردنی "IP68,1" ە، کە بەرگەگرتن لە ئاو دابین دەکات تا قووڵایی ١.٥ مەتر لە ئاوی خاوێندا بۆ ماوەی ٣٠ خولەک، سەرەڕای پاراستن لە تۆز و پیسایی و لم، بەڵام ئەو بارودۆخانەی کە مۆبایلی کریکۆلا ڕووبەڕووی بووەوە لەم تایبەتمەندیانە زیاتر بوو.
