بوومەلەرزەیەکی ٥.١ پلە لە ناوچەی بالیکەسیری تورکیا
بوومەلەرزەیەکی ٥.١ پلە ناحیەی “سیندیرگی” لە پارێزگای بالیکەسیری ڕۆژئاوای تورکیا لێدا. بەپێی زانیارییەکانی بەڕێوەبەرایەتی کارەساتەکان و فریاگوزاری تورکیا (ئافاد)، بوومەلەرزەکە ڕۆژی شەممە کاتژمێر ٠٠:٢٤ بە کاتی ناوخۆ ڕوویدا.
ناوەندە چاودێرییەکانی “ئافاد” قووڵایی بوومەلەرزەکەیان بە ١١.٠٤ کیلۆمەتر لە ژێر ڕووی زەویدا دیاری کرد. دانیشتووانی پارێزگا دراوسێکانی بورسا و ئیزمیر و یالۆڤا و کوتاهیا هەستیان بە بوومەلەرزەکە کرد.
وەزیری ناوخۆی تورکیا، عەلی یەرلی کایا، لە پلاتفۆرمی “ئێن سۆشیال” ڕایگەیاند کە تیمە تایبەتەکان دەستیان بە پشکنینێکی مەیدانی کردووە بۆ هەڵسەنگاندنی زیانە مرۆیی و ماددییەکان. “ئافاد” پاش نیوەشەو ڕایگەیاند کە هیچ زیانێکی مرۆیی یان ماددی تۆمار نەکراوە تا کاتی دەرچوونی لێدوان، و دووپاتکردەوە کە کاری پشکنینی مەیدانی بەردەوامە.
ئاماژەیە بەوەی بوومەلەرزەیەکی ٦.١ پلە لە ٢٧ی ئۆکتۆبەری ڕابردوودا هەمان لە ناوچەی ڕوویداوە بەبێ تۆمارکردنی زیانی مرۆیی.
