هاوکێشە نوێیەکەی سامسۆنگ: کامێرایەک کەمتر، پاترییەکی زەبەلاحتر لە S27 ئۆڵترا!
لەکاتێکدا ماوەیەکی زۆر ماوە بۆ ڕاگەیاندنی فەرمی Samsung Galaxy S27 Ultra، یەکەمین زانیارییە دزەپێکراوەکان سەبارەت بەم مۆبایلە بڵاوکرانەوە. سەرچاوەی تەکنەلۆژی "yeux1122" لە Naver ئاماژە بەوە دەکات کە ڕەقەکاڵای ئامێرەکە گۆڕانکاری گەورە بەخۆیەوە دەبینێت، لەوانەش لابردنی یەکێک لە هاوێنەکانی پۆلی کامێراکان.
ئەم سەرچاوەیە ئاماژە بەوە دەکات کە سامسۆنگ هاوێنەی چوارەمی کامێراکە (تێلیفۆتۆی3X) لادەبات، کە هەمیشە ڕوونییەکەی زۆر کەمتر بوو لە هاوێنە تێلیفۆتۆ سەرەکییەکە. بۆ نموونە، لە گالاکسی S26 ئۆڵترا کواڵێتی ئەم هاوێنەیە تەنها ١٢ مێگاپێکسڵ بوو لە بەرامبەر هاوێنە ٥٠ مێگاپێکسڵییەکەیدا، ئەمەش لە ڕووی ژمارە و ڕەقەکاڵاوە خاڵێکی سەرنجڕاکێش نەبوو بۆ کڕیاران.
فۆتۆگرافی تەنها مێگاپێکسڵ نییە، بۆیە سامسۆنگ بڕیاریداوە هاوێنەی 3X لاببات چونکە پێی وایە هاوێنەی ٥ Xلەم مەودایەدا وێنەی باشتر دەگرێت. ئەم هەنگاوە یارمەتی کۆمپانیاکە دەدات کواڵێتی وێنەکان بەرزتر بکاتەوە و لە هەمان کاتدا تێچووی خەیاڵی بەرهەمهێنانی گالاکسی S27 ئۆڵترا دابەزێنێت.
بە ڕەچاوکردنی ئەوەی کە نرخی پارچەکانی مۆبایل لە چەند ساڵی ڕابردوودا بەردەوام زیادی کردووە، کەمکردنەوەی تێچووی دروستکردنی گالاکسی S27 ئۆڵترا یارمەتیدەر دەبێت بۆ ئەوەی بۆ ساڵێکی تریش نرخەکەی جێگیر بمێنێت. یاخود لانیکەم، ئەگەر نرخەکە گۆڕانیشی بەسەردا بێت، ئەو بڕە پارە زیادەیەی کە ناچارین بیبژێرین زۆر کەمتر دەبێت.
سەرچاوەکە دەڵێت لابردنی کامێراکە کلیلێک دەبێت بۆ گەورەکردنی پاتریی S27 ئۆڵترا. ڕوون نییە ئەمە بەهۆی پەیدابوونی بۆشایی فیزیکی ناو مۆبایلەکەوەیە یان بۆ پاشەکەوتی داراییە؛ ڕەنگە هۆکاری سەرەکی پارە بێت، بەڵام سەرسام نابین ئەگەر تێکەڵەیەک بێت لە هەردووکیان.
