ئەگەر بەدوای ئایفۆنێکی هەرزاندا دەگەڕێیت، ئەم مۆدێلە خاوەن داشکاندنە باشترین بژاردەیە

لەکاتێکدا کە بازاڕ پڕبووە لە مۆبایلی جۆراوجۆر، ئایفۆن ١٣ هێشتا بە تەواوی پێگەی خۆی لە بەرانبەر مۆبایلە هەرزانەکاندا پاراستووە؛ جگە لەوەش، دابەزینی نرخەکەی بۆ ئەم ئاستە، وایکردووە ببێتە باشترین بژاردە بۆ کڕین.

لەکاتێکدا کە نرخی سەرەتایی ئایفۆن ١٣ بڕی ٥٩٩ پاوەند بوو، ئێستا ماڵپەڕی  BackMarket وەشانی 128GB  تەنها بە ٢٠٩ پاوەند پێشکەش دەکات. بەم شێوەیە، تۆ ٤١٩ پاوەند پاشکەوت دەکەیت و مۆبایلێکی پرێمیۆم بە نرخێکی زۆر هەرزان دەکڕیت، سەرباری ئەمەش دەتوانیت بە تەنها ٢٣٨ پاوەند وەشانی زۆر خاوێن (Excellent) هەڵبژێریت.

راستییەکەی، گرنگی ئەم داشکاندنە گەورەیە لەوەدایە کە مۆبایلەکە لە ڕووی کامێراوە هێشتا لە ئاستی پێشەنگەکاندایە؛ چونکە کامێرا دووانەیییە ١٢ مێگاپیکسڵییەکەی تەواو هاوشێوەی ئایفۆن ١٢ پرۆ ماکس دیزاین کراوە. لە کۆتاییدا، تەنها جیاوازی لادانی زوومی ئۆپتیکاڵییە، کە ئەمەش بۆ وێنەگرتنی ڕۆژانەی خەڵکی ئاسایی کێشەیەکی ئەوتۆ نییە.

کڕینی ئایفۆن ١٣ی نوێکراوە (Refurbished) بە هەرزانی

سێنسەرە گەورەکانی ئایفۆن ١٣ ڕێژەیەکی زۆر زیاتر ڕووناکی هەڵدەمژن لەچاو نەوەی پێشوو. یەکگرتنی ئەم تایبەتمەندییە لەگەڵ جێگیرکەری وێنەی (Sensor Shift) لەسەر کامێرا سەرەکییەکە، وادەکات وێنەکانت لە کاتی کەمبوونی ڕووناکیدا بە تەواوی بێخەوش و ڕوون بن.

ئایفۆن ١٣ لە ژینگەی تاریکی وەک چێشتخانە و باڕەکاندا وێنەی زۆر سەرنجڕاکێش دەگرێت. مۆبایلەکە زیاتر پشت بە سیستمی Night mode دەبەستێت لەچاو مۆدێلە بەرزترەکان، بۆیە دەتوانیت وێنەی گەش و خاوێن و پڕ لە وردەکاریی سروشتی تۆمار بکەیت بەبێ تێکچوونی کوالێتییەکەی.

هەموو ئەم سەرکەوتنانە گرنگییان نەدەما ئەگەر تەمەنی پاترییەکە سنووردار بووایە؛ خۆشبەختانە ئەپڵ پاترییەکی قەبارە گەورەتری لەگەڵ چیپسیتی کارامەی A15 Bionic بۆ ئەم ئامێرە دابین کردووە. ئەم گۆڕانکارییە بووەتە هۆی ئەوەی ئایفۆن ١٣ بەرگرییەکی زۆر باشتری لە چاو مۆدێلی پێش خۆی هەبێت.

شاشەی مۆبایلەکە پێشکەوتنێکی سەرنجڕاکێش بەڵام بێدەنگی بەخۆیەوە بینیوە؛ نۆچەکەی بچووکتر کراوەتەوە و پانێڵە  OLEDـەکەی گەشتر بووە، بە جۆرێک لە بەکارهێنانی ئاساییدا 800 nits و لە کاتی بینینی ڤیدیۆی  HDRدا دەگاتە 1100 .nitsئەم توانایە وادەکات گەڕان و بەکارهێنانی نەخشە لە دەرەوە و لەژێر تیشکی بەهێزی خۆردا زۆر ئاسانتر و ڕوونتر بێت.

شاشەی ئایفۆن ١٣ هێشتا بە خێرایی 60 Hz  کار دەکات و وەک مۆدێلە پرۆکان خاوەنی سیستمی ProMotion نییە. بۆیەئەگەر پێشتر مۆبایلێکی ئەندرۆیدت بە شاشەیەکی خێراتر بەکارهێنابێت، لە کاتی سکرۆڵکردن و تێپەڕاندنی لاپەڕەکاندا بە ڕوونی هەست بە جیاوازییەکە دەکەیت.

بۆ ئەو کەسانەی ساڵانێکە مۆدێلێکی کۆنی ئایفۆن بەکاردەهێنن و بەدوای گۆڕانکارییەکی گەورەدا دەگەڕێن لە ڕووی کامێرا و پاترییەوە، بەبێ ئەوەی پارەیەکی خەیاڵی بۆ مۆبایلە نوێیەکان بدەن، کڕینی ئایفۆن ١٣ بەم نرخە باشترین هەلە کە ناتوانرێت پشتگوێ بخرێت.