داهاتەکەی فۆکسکۆن ژمارەی پێوانەیی دەشکێنێت!
کۆمپانیای فۆکسکۆن (Foxconn)، گەورەترین بەرهەمهێنەری ئەلیکترۆنی لە جیهاندا، ڕایگەیاند کە داهاتی چارەکی دووەمی ئەمساڵ (2026) بە ڕێژەی%39.8 زیادی کردووە. هۆکاری سەرەکیش بۆ بازدانی ئەم داهاتە، زیادبوونی بێپێشینەی داواکارییە لەسەر تەکنەلۆژیای ژیریی دەستکرد.
ئەم کۆمپانیایە کە بە کۆکەرەوەی سەرەکیی ئایفۆنەکانی ئەپڵ و سێرڤەرەکانی ئێنڤیدیا (Nvidia) دادەنرێت، لە نێوان مانگەکانی نیسان تا حوزەیراندا داهاتێکی خەیاڵی و یەکسان بە 78.71 ملیار دۆلاری ئەمریکی (2.513 تریلیۆن دۆلاری تایوانی) تۆمار کردووە.
بەرزبوونەوەی داواکاری لەسەر سێرڤەرەکانی ژیریی دەستکرد وایکرد تەنها لە مانگی حوزەیرانی ڕابردوودا، داهاتی فۆکسکۆن بە ڕێژەی %52.1 بەرزبێتەوە!
