ئەپڵ بە دوو قەڵەمی نوێوە دێتەوە مەیدان!
کۆمپانیای ئەپڵ لە پشت پەردەوە کار لەسەر پەرەپێدانی دوو مۆدێلی نوێی Apple Pencil دەکات. چاوەڕوان دەکرێت ئەم قەڵەمانە ساڵی داهاتوو لەگەڵ نەوەی نوێی iPad Pro ڕابگەیێندرێن.
گرنگترین زانیارییەکان لەسەر قەڵەمە نوێیەکان:
- وەشانی ئابووری (هەرزانتر): مۆدێلێکی نوێیە کە پشتگیری لە دەرچەی USB-C دەکات و بۆ ئەو بەکارهێنەرانە گونجاوە کە دەیانەوێت بە نرخێکی گونجاوتر قەڵەمێکی ئەپڵیان دەستبکەوێت.
- وەشانی پێشکەوتوو:(Apple Pencil Pro) ئەپڵ کار لەسەر نوێکردنەوەی مۆدێلی پرۆ دەکات کە تایبەتمەندیی بەرزتر و لێهاتوویی زیاتری دەبێت.
گۆڕانکاری لە باتریدا بەهۆی یاساکانی یەکێتیی ئەورووپاوە ????????
بەپێی ڕاپۆرتێکی ڕۆژنامەنووسی ناسراوی بواری تەکنەلۆجیا، مارک گۆرمان، گۆڕانکارییەکی گرنگ لە باتریی ئەم قەڵەمە نوێیانەدا دەکرێت:
ئەپڵ خۆی بۆ یاسا توندەکانی یەکێتیی ئەورووپا ئامادە دەکات. ئەم یاسایانە داوا دەکەن کە دەبێت باتریی ئامێرە ئەلیکترۆنییەکان بە شێوازێک دروستبکرێن کە بەکارهێنەر بتوانێت بە ئاسانی خۆی بیگۆڕێت. هەر بۆیە پێشبینی دەکرێت قەڵەمە نوێیەکان خاوەنی جۆرە باترییەک بن کە گۆڕینی ئاسانتر بێت.
