دوای دوو ساڵ.. “موتۆرۆلا” ئامادەیە بۆ بڵاوکردنەوەی مۆبایلێکی نوێی پێشکەوتوو
دوای مانگێک لە دەرچوونی زانیاری و پێشبینیەکان، “موتۆرۆلا” بە فەرمی دەستی کرد بە ئامادەکاری بۆ گەڕانەوەیەکی بەهێز بۆ جۆری مۆبایلە پێشکەوتووەکانی دیزاینی کلاسیکی خۆی، لە هەنگاوێکدا کە یەکەمجار دەبێت لەم جۆرە لە ماوەی نزیکەی دوو ساڵدا. فرۆشگای ئەلیکترۆنی Flipkart لاپەڕەیەکی فرۆشتنی بۆ مۆبایلێکی نوێی موتۆرۆلا بە ناوی Signature دەست پێکرد، بە ئاماژە بەوەی کۆمپانیاکە ئامادەیە بۆ ئاشکراکردنی مۆبایلێکی گرانبەها و ئاست بەرز.
مۆبایلەکە لەسەر سەکۆی Geekbench دەرکەوت و هەندێک تایبەتمەندی سەرەکی ئاشکراکرد، لەوانە بەکارهێنانی پرۆسێسەری Snapdragon 8 Gen 5 لەگەڵ میمۆریی ١٦ گیگابایت. بەپێی ئەم زانیاریانە، ئەمە یەکەم مۆبایلی پێشکەوتوو دەبێت بە دیزاینی کلاسیکی خۆی کە کۆمپانیاکە بڵاوی دەکاتەوە لە دوای Edge 50 Ultra لە ٢٠٢٤دا.
ڕکابەرێک بۆ Galaxy S26 Ultra؟
دەرچوونی زانیاریەکان ئاماژە بەوە دەکەن کە مۆبایلەکە بە شاشەیەکی ٦.٧ ئینج دێت بە نوێکردنەوەی ١٢٠ هێرتز، لەگەڵ کامێرایەکی پشتەوەی سێ لایەنە کە هەریەکەیان ٥٠ مێگاپیکسڵە. خاڵی گرنگتر ئەوەیە کە باس لە پێنووسێک دەکرێت، تایبەتمەندییەک کە دەگمەنە لە دەرەوەی سیستەمی “سامسۆنگ”، و ڕەنگە Signature بکاتە ڕکابەرێکی ڕاستەوخۆ بۆ Galaxy S26 Ultra.
هێشتا قەبارەی باتریەکە دڵنیا نییە، بەڵام چاوەڕوان دەکرێت گەورەتر بێت لە ٤,٨٠٠ میللی ئامپێر کە لە Edge 70 بەکارهاتووە. لە بەرامبەردا، یەکێک لە ڕکابەرە گرنگەکان، OnePlus 15R، باتریەکی گەورەی ٧,٤٠٠ میللی ئەمپێر پێشکەش دەکات.
ئەگەر ئەم تایبەتمەندیانە ڕاست بن و “موتۆرۆلا” سەرکەوتوو بێت لە نرخێکی ڕکابەریدا، ڕەنگە Motorola Signature ببێتە یەکێک لە سەرنجڕاکێشترین مۆبایلەکانی ٢٠٢٦. بەڵام کێبڕکێی ڕاستەقینە دەمێنێتەوە لە پشتگیری سیستەم و نوێکردنەوەکان، کە “موتۆرۆلا” پێویستە باشتری بکات.
