ڕۆبۆتێکی گفتوگۆ ژیانی پیاوێک ڕزگار دەکات
پیاوێکی نەرویجی ٤٩ ساڵان دوای سەردانی نەخۆشخانە بە پێدانی ڕەچەتەی دەرمانی دژە ترشی دەگەڕێتەوە ماڵەوە، بەڵام ڕۆبۆتی گفتوگۆی “گرۆک” کە بە ژیری دەستکرد پشتگیری دەکرێت ئاماژە بەوە دەکات کە نەخۆشییەکەی لەوەی پزیشکان بیریان لێکردووەتەوە مەترسیدارترە. گرۆک ئەگەری برینداربوونی گەدە یان هەوکردنی ڕیخۆڵە کوێرە دەبینێتەوە.
پیاوەکە بە ڕاوێژکاری گرۆک دەگەڕێتەوە بۆ نەخۆشخانە و داوای پشکنینی دووبارە دەکات. تیشکی سی تی سکان ئاشکرای دەکات کە ڕیخۆڵە کوێرەی خەریکە بتەقێت. پزیشکان بە خێرایی نەشتەرگەری بۆ دەکەن و گیانی ڕزگار دەکەن. پیاوەکە دوای نەشتەرگەریەکە دەڵێت کە ڕاوێژەکانی گرۆک یارمەتی گەورەی داوە.
گفتوگۆ دەربارەی بەکارهێنانی ژیری دەستکرد لە چاودێری تەندروستی
ئەم ڕووداوە گفتوگۆیەکی نوێی لەسەر بەکارهێنانی ژیری دەستکرد لە چاودێری تەندروستیدا دروست کردووە. لەگەڵ ئەوەی ڕۆبۆتەکان دەتوانن یارمەتیدەر بن، پسپۆڕان جەخت لەسەر ئەوە دەکەنەوە کە نابێت جێگرەوەی هەڵسەنگاندنی پزیشکی ڕاستەقینە بن. پێشتر چات جی پی تی هۆکاری ژەهراوبوونی پیاوێکی ٦٠ ساڵان بوو کاتێک خوێی نا تەندروستی سەبارەت بە خواردنی تەندروست پێدا. ئەمەش ئاماژەیە بۆ ئەوەی کە پێویستە زانیارییەکانی ئەم تەکنەلۆژیایە بە وریاییەوە بپشکنین.
