گووگڵ چیرۆکی سەیر و سەرنجڕاکێشی لە پشت ناولێنانی مۆدێلی بەناوبانگی “نانۆ بانانا”ی ئاشکراکرد.
ئەم مۆدێلە کە بۆ دروستکردنی وێنە بەکاردێت، بەهۆی وردبینی زۆری لە دەستکاریکردن و دروستکردنی وێنەکاندا ناسراوی بەرفراوانی بەدەستهێناوە.
بەپێی بلۆگێکی فەرمی لە گووگڵ دیپ مایند، لە تەمووزی ڕابردوودا تیمەکە پەلەیان دەکرد بۆ پێشکەشکردنی مۆدێلەکە بە سەکۆی “LMArena”. ناوە تەکنیکییەکە “Gemini 2.5 Flash Image” بوو، بەڵام هیچ ناوێکی نهێنییان نەبوو.
نزیکەی کاتژمێر ٢:٣٠ی بەیانی، نایینا رایسینگانی بەڕێوەبەری بەرهەمەکان داواکارییەکی لەناکاوی وەرگرت بۆ دۆزینەوەی هەر ناوێک. بە خێرایی ناوی “نانۆ بانانا”ی دانا کە هیچ مانایەکی نییە، و یەکسەر پەسەندکرا.
ئێستا دەرکەوتووە کە ناوەکە تێکەڵەیەکە لە ناوی نازناوی کەسیی ئەو؛ هەندێک هاوڕێکانی بە “نایینا بانانا” و هەندێکی تریش بە “نانۆ” بانگی دەکەن بەهۆی کورتبوونی باڵا و خۆشویستنی بۆ کۆمپیوتەر.
مۆدێلەکە لە سەرەتای ئابدا لەسەر سەکۆی “LMArena” دەرکەوت و بەکارهێنەرانی سەرسام کرد. تێکەڵەی هێزی ژیری دەستکردی و ناوە سەیرەکە بووە هۆی بڵاوبوونەوەی بەرفراوانی و گەیاندنی بە سەرووی پلەبەندییەکانی دەستکاریکردنی وێنە لە جیهاندا.
