تیک تۆک ڕایگەیاند کە لە هەفتەکانی داهاتوودا دەست دەکات بە بەکارهێنانی تەکنەلۆژیایەکی نوێ بۆ دۆزینەوەی تەمەنی بەکارهێنەران لە سەرانسەری ئەورووپا
ئەمە لە کاتێکدایە کە پلاتفۆرمەکە لەژێر فشاری ڕێکخراوەکاندایە بۆ باشترکردنی دیاریکردن و سڕینەوەی هەژمارەکانی منداڵانی خوار تەمەنی ١٣ ساڵ.
سیستەمەکە زانیاری پرۆفایل، ڤیدیۆکان، و نیشانە ڕەفتارییەکان شیدەکاتەوە بۆ پێشبینیکردنی ئەوەی ئایا هەژمارەکە هی منداڵێک بێت. ئەو هەژمارانەی دەستنیشاندەکرێن لەلایەن چاودێرانی تایبەتمەندەوە پێداچوونەوەیان بۆ دەکرێت نەک ئۆتۆماتیکی قەدەغەدەکرێن.
ئەم هەنگاوە لە کاتێکدایە کە دەسەڵاتدارانی ئەورووپی بە وردی سەیری چۆنیەتی پشتڕاستکردنەوەی تەمەن دەکەن. لە ساڵی ڕابردوودا ئۆستڕالیا یەکەم قەدەغەکردنی لە جیهاندا لەسەر بەکارهێنانی تۆڕە کۆمەڵایەتییەکان بۆ منداڵانی خوار تەمەنی ١٦ ساڵ سەپاند. لە حاڵەتی ناڕەزایەتی، کۆمپانیاکە تەکنەلۆژیای خەمڵاندنی تەمەن لە ڕێگەی ڕوخسارەوە بەکاردەهێنێت کە لەلایەن “Yoti”ـەوە پێشکەشدەکرێت.
