گووگڵ تایبەتمەندی نوێ زیاد دەکات بۆ کڕۆم
گووگڵ هەوڵ دەدات وێبگەڕی کڕۆم بگۆڕێت لە ئامرازێکی ئاسایی بۆ یاریدەدەرێکی کەسی زیرەک بە بەکارهێنانی ژیری دەستکرد. کۆمپانیاکە مۆدێلی جیمینای ٣ یەکدەخات بە ناو کڕۆم لەسەر سیستەمەکانی ویندۆز و macOS و Chromebook Plus، بۆ ئەوەی وێبگەڕەکە بگۆڕێت بۆ ئامرازێک کە تێدەگات چی پێویستە و یارمەتی بەکارهێنەر دەدات بەبێ پێویستی بە کردنەوەی چەندین تابی جیاواز.
نوێکارییەکە سەرنجی خستووەتە سەر چەند تایبەتمەندییەک لە تابلۆیەکی لاتەنیشتی زیرەک کە جیمینای بەردەوام دەردەخات لە کاتی گەڕاندا، توانای دەستکاریکردنی وێنە ڕاستەوخۆ لە وێبگەڕەوە، و یەکخستنی قووڵتر لەگەڵ بەرنامەکانی گووگڵ وەک جیمێڵ و ڕۆژژمێر و نەخشە.
تایبەتمەندی Auto Browse کە بۆ بەشداربووانی AI Pro و AI Ultra لە ئەمریکا بەردەستە، ڕێگە بە وێبگەڕەکە دەدات ئەرکە دووبارەبووەکان جێبەجێ بکات وەک گەڕان بەدوای نرخی هۆتێلەکاندا و پڕکردنەوەی فۆڕمەکانی درێژ.
ئەم هەنگاوە لە کاتێکدایە کە کڕۆم ڕووبەڕووی ڕکابەری زۆر دەبێتەوە لە وێبگەڕە نوێیەکانی پشت بە زیرەکی دەستکرد دەبەستن، هەروەها هاتنەژوورەوەی OpenAI. گووگڵ هەوڵ دەدات بەکارهێنەرەکان بە ناو کڕۆمدا بهێڵێتەوە بە پێشکەشکردنی هەمان تایبەتمەندییەکان لە ناو وێبگەڕێکی ناسراودا.
