نوێکارییەکانی ئایماک (iMAC) بۆ ئەمساڵ

کۆمپانیای ئەپڵ پلانی هەیە لە کۆتایی ئەمساڵدا وەشانێکی نوێی ئامێری iMac ڕابگەیەنێت کە تیشک دەخاتە سەر نوێکردنەوەی ڕوکاری دەرەوە و خێراییەکەی. دوای ئەوەی لە ساڵی ٢٠٢١ـەوە تەنها یەکجار گۆڕانکاری لە ڕەنگەکاندا کردووە، چاوەڕوان دەکرێت ئەم وەشانە کۆمەڵێک ڕەنگی نوێ و سەرنجڕاکێش لەخۆ بگرێت. هەروەها لە ڕووی تەکنیکییەوە، پێشبینی دەکرێت ئامێرەکە بۆ چیپی M5 یان تەنانەت M6 نوێ بکرێتەوە تاوەکو توانایەکی بەرزتر پێشکەش بکات، ئەمەش دوای ئەوە دێت کە دوایین مۆدێلی iMac بە چیپی M4 لە ئۆکتۆبەری ٢٠٢٤دا بڵاوکرایەوە.