وەرگێڕانی خۆکاری واتساپ بۆ ئایفۆن بەبێ ئینتەرنێت
تایبەتمەندییەکی نوێ لە مۆدێلی تاقیکاریی واتساپ بۆ ئایفۆن دەرکەوتووە کە ڕێگە بە وەرگێڕانی خۆکاری نامەکان دەدات بەبێ پێویستی بە ئینتەرنێت. ئەم تایبەتمەندییە پشت بە تەکنەلۆژیای ناوخۆیی ئامێرەکانی ئەپڵ دەبەستێت، ئەمەش واتا وەرگێڕانەکە بە پارێزراوی لە ناو خودی مۆبایلەکەدا ئەنجام دەدرێت و نامەکان بۆ هیچ سێرڤەرێکی دەرەکی ناچن.
بەکارهێنەران دەتوانن لە ڕێکخستنی چاتەکەدا وەرگێڕانی خۆکار چالاک بکەن و تەنها بە داگرتنی پاکێجی زمانەکان، نامەکان ڕاستەوخۆ وەردەگێڕدرێن. لە ئێستادا پشتگیری لە ٢١ زمان دەکات و بڕیارە لە داهاتوودا دوای تەواوبوونی قۆناغی پەرەپێدان، بۆ هەموو بەکارهێنەرانی سیستمەکە بەردەست بکرێت.
