شاومی بە مۆبایلێکی نوێ دێتە بازاڕەوە

کۆمپانیای شاومی ئامادەکاری دەکات بۆ بڵاوکردنەوەی مۆبایلی "Mix Fold 5" بۆ دووبارە کۆنترۆڵکردنەوەی بازاڕی مۆبایلە چەماوەکان. ئەم هەنگاوە لە کاتێکدایە کە ڕکابەرییەکان لە ساڵی 2026 گەیشتوونەتە لوتکە، بەتایبەت لەگەڵ نزیکبوونەوەی خستنەبازاڕی یەکەم ئایفۆنی چەماوە لەلایەن ئەپڵ و بەهێزیی سامسۆنگ لە ڕێگەی "Galaxy Z Fold 8"ەوە.

شاومی لەم مۆدێلەدا سەرنجی خستووەتە سەر شاشە و باشترکردنی سۆفتوێر بۆ ئەوەی بتوانێت لەگەڵ کۆمپانیاکانی وەک ئۆنۆر و ئۆپۆ کێبڕکێ بکات. سەرکەوتنی شاومی لەم قۆناغەدا بەندە بە پێشکەشکردنی ئامێرێک کە هاوسەنگی لە نێوان کوالێتی بەرز و نرخی گونجاودا ڕابگرێت، پێش ئەوەی ئەپڵ بە تەکنەلۆژیا نوێیەکەی نەخشەی بازاڕەکە بگۆڕێت.