نرخی ئۆنسەیەک زێڕ دەگاتە 8,000 دۆلار
بەگوێرەی نوێترین راپۆرتی دۆیچە بانکی ئەڵمانی، جیهان بەرەو قۆناخێکی نوێ هەنگاو دەنێت، تێیدا پشتپەستن بە دۆلاری ئەمریکی کەم دەبێتەوە و زێڕ جێگەی دەگرێتەوە.
لە راپۆرتەکەدا هاتووە، لە پێنج ساڵی داهاتوو ئەگەر بانکە ناوەندییەکان بەردەوام بن لە کڕینی زێڕ و دۆلار لە یەدەگەکانیان کەمبکەنەوە، ئەگەری هەیە نرخی هەر ئۆنسەیەک بگاتە 8,000 دۆلار.
جەختدەکاتەوە، وڵاتانی چین، سعوودیە، ئیمارات و میسر خەریکی زیادکردنی یەدەگی زێڕن بۆ ئەوەی لە سزای دارایی و ناجێگیری دۆلار پارێزراو بن، ئەم دۆخە وای کردووە؛ پشکی دۆلار لە یەدەگی وڵاتان لە 60% بۆ 40% دابەزێت.
زێڕ، هەمیشە وەک پەناگەیەکی سەلامەت لەلای وەبەرهێنەران و دامەزراوە دارییەکانی جیهان دادەنرێت، ئەم پێشبینییەی دۆیچە بانک ئاماژەیەکی بەهێزە بۆ گۆڕانکارییەکی گەورە لە سیستەمی دارایی جیهان.
