ئیلۆن ماسك ڕایگەیاند كە كۆمپانیاكەی “نیورالینك” پلانی هەیە لە ساڵی ٢٠٢٦ دەست بە بەرهەمهێنانی بڕێكی زۆر لە چیپەكانی مێشك بكات
ئەم كۆمپانیایە چیپەكانی مێشكی دروست كردووە بۆ یارمەتیدانی ئەو كەسانەی كە تووشی زیان بوون لە بڕبڕەی پشتیان.
ماسك لە پۆستێكدا لەسەر ئێكس نووسی كە “نیورالینك” دەست دەكات بە بەرهەمهێنانی بەرفراوان و دەگوازرێتەوە بۆ نەشتەرگەری تەواو ئۆتۆماتیكی لە ساڵی ٢٠٢٦. ئەم چیپانە دروست كراون بۆ یارمەتیدانی خەڵكی نەخۆش، بەتایبەتی ئەوانەی كە تووشی ئیفلیجی بوونەتەوە.
یەكەم نەخۆش كە ئەم چیپەی چاند بەكاری هێناوە بۆ یاری كردنی یاری ڤیدیۆیی، گەڕان لە ئینتەرنێت، بڵاوكردنەوەی پۆست لەسەر سۆشیال میدیا و جوڵاندنی ماوسی كۆمپیوتەر. كۆمپانیاكە تاقیكردنەوەی لەسەر مرۆڤ دەستی پێكرد لە ساڵی ٢٠٢٤ دوای چارەسەركردنی نیگەرانییەكانی سەلامەتی لەلایەن دەزگای خۆراك و دەرمانی ئەمریكاوە.
لە سێپتەمبەردا، “نیورالینك” ڕایگەیاند كە ١٢ كەس لە سەرانسەری جیهان كە تووشی ئیفلیجی توند بوونەتەوە، ئەم چیپانەیان چاندووە و بەكاریان هێناوە بۆ كۆنترۆڵكردنی ئامێرە دیجیتاڵی و فیزیكییەكان لە ڕێگەی هێماكانی مێشكەوە. كۆمپانیاكە ٦٥٠ میلیۆن دۆلاری وەرگرت لە مانگی حوزەیراندا.
