کواڵکۆم دوو پڕۆسێسەری نوێ ڕادەگەێنێت

بەپێی دوایین هەواڵە تەکنەلۆژییەکان، کۆمپانیای کواڵکۆم لە هەنگاوێکی نوێدا بۆ بەهێزکردنی مۆبایلە ئاست مام ناوەند و هەرزانەکان، دوو پڕۆسێسەری نوێی بە ناوی Snapdragon 4 Gen 5 و Snapdragon 6 Gen 5 ڕاگەیاند. ئەم پڕۆسێسەرانە بە تەکنەلۆژیای (4nm) دروستکراون و جەخت لەسەر خێرایی و کارایی پاتری دەکەنەوە.

لێرەدا پوختەی تایبەتمەندییەکانی هەر دوو پڕۆسێسەرەکە دەخەینە ڕوو:

• Snapdragon 4 Gen 5: شۆڕشێک بۆ مۆبایلە هەرزانەکان
  ئەم پڕۆسێسەرە گۆڕانکارییەکی گەورە لە ئاستی گرافیک و یارییەکاندا دروست دەکات:
• گرافیک (GPU): %77 باشتر بووە بەراورد بە نەوەی پێشوو.
•  گیمینگ: بۆ یەکەمجار لەم زنجیرەیەدا، پشتگیری لە یارییەکان بە خێرایی 90 FPS دەکات.
• خێرایی کارکردن: کردنەوەی ئەپڵیکەیشنەکان %43 خێراتر بووە و لەرزینی شاشە (Stutter) بە ڕێژەی %25 کەمکراوەتەوە.
• پاتری و وزە: کارایی پاتری %10 باشتر بووە؛ دەتوانیت 1 کاتژمێر زیاتر ڤیدیۆ ببێنیت و 1.7 کاتژمێر زیاتر گوێ لە میوزیک بگریت.
•  پەیوەندی: پشتگیری لە 5G Dual Active دەکات (چالاکبوونی دوو سیمکارت لە هەمان کاتدا لەسەر تۆڕی 5G).

Snapdragon 6 Gen 5: کارایی بەرز بۆ مۆبایلە مام ناوەندەکان

ئەم نەوەیە زیاتر جەخت لەسەر زیرەکی دەستکرد و پەیوەندییە خێراکان دەکاتەوە:

• گرافیک (GPU): %21 بەهێزتر بووە.
• خێرایی: کردنەوەی ئەپەکان %20 خێراتر بووە و لەرزینی شاشە %18 کەمبووەتەوە.
• پەیوەندییەکان: پشتگیری لە نەوەی نوێی Wi-Fi 7 و Bluetooth 6.0 دەکات، لەگەڵ تەکنەلۆژیای Qualcomm XPAN بۆ دەنگێکی بێ وایەری ناوازە.
• کامێرا: پشتگیری لە هەستەوەرەکانی کامێرا تا 200 مێگاپێکسڵ دەکات.

پێشبینی دەکرێت ئەم پڕۆسێسەرانە لە نیوەی دووەمی ساڵی 2026 لەسەر مۆبایلەکانی کۆمپانیاکانی وەک Oppo، Realme، Redmi و Honor بەردەست بن.