یاریدەدەرێکی زیرەک بۆ مامۆستایانی زمانی ئینگلیزی

ئامادەکردنی پلانی وانەکان، داڕشتنی پرسیاری تاقیکردنەوە، دۆزینەوەی سەرچاوەی گونجاو و گرنگیدان بە جیاوازیی تاکەکەسی نێوان خوێندکاران، لەو ئەرکە ڕۆژانە ماندووکەرانەن کە کاتێکی زۆر لە مامۆستایانی زمانی ئینگلیزی دەبەن.

بە پلاتفۆرمی  Twee و بەکارهێنانی زیرەکی دەستکرد، مامۆستایانی ئینگلیزی دەتوانن لە چەند خولەکێکدا ناوەڕۆکێکی پەروەردەیی پێشەنگ و کوالێتی بەرز بەرهەم بهێنن.

تایبەتمەندییە سەرەکییەکان:

 دەوڵەمەندی لە ناوەڕۆکدا : دروستکردنی دەق، دیالۆگ، ڕاهێنانی بۆشایی، پرسیاری بژاردەیی و بابەتەکانی نووسین (Writing Prompts) لەسەر هەر مژارێک و تەنها بە چەند کلیکێک.

کایەکردن لەگەڵ دەنگ و ڤیدیۆ: تەنها بە دانانی لینکێکی یوتیوب یان بارکردنی فایلی دەنگی، دەتوانیت بە ئاسانی پرسیاری تێگەیشتن و پوختەی سەرنجڕاکێش بۆ ڕاهێنانی بیستن (Listening) ئامادە بکەیت.

 دیاریکردنی ئاست بەپێی CEFR: ناوەڕۆکەکان بەپێی پێوەرە نێودەوڵەتییەکانی ئاستی زمان (لە A1 تا C2) ڕێکدەخرێن.

 ڕەچاوکردنی جیاوازیی تاکەکەسی :(Differentiation) یارمەتیدەرێکی نموونەیییە بۆ گونجاندنی وانەکان؛ دەتوانیت هەمان بابەت بە شێوازێکی سادەکراو بۆ خوێندکارانی ئاستی سەرەتایی و بە شێوازێکی دەوڵەمەند و ئاڵۆزتر بۆ ئاستە پێشکەوتووەکان دابڕێژیتەوە.

هەڵسەنگاندنی خێرا و بەڕێوەبردنی کارەکان: پلاتفۆرمەکە بە شێوازێکی خۆکارانە وەڵامەکان هەڵدەسەنگێنێت، ئەمەش یارمەتیدەرە بۆ ڕێکخستنی ئەرکەکان و بەڕێوەبردنی گشتگیریی خوێندکاران لە یەک شوێنی یەکگرتوودا.

کاریگەریی پەروەردەیی پلاتفۆرمی Twee بەپێی بەڵگە و توێژینەوەکان:

پاشەکەوتکردنی کات: بەپێی ڕاپرسی و ئامارەکانی بەکارهێنەرانی پلاتفۆرمەکە، مامۆستایان توانیویانە هەفتانە بە تێکڕا ٥ کاتژمێر لەو کاتە بگەڕێننەوە کە پێشتر بۆ ئامادەکردنی وانەکان بەفیڕۆ دەچوو.

کەمکردنەوەی فشاری کار و ماندوێتی:  بەهۆی کەمبوونەوەی ئەرکە کاغەزی و نووسراوەکان، مامۆستا دەتوانێت وزە و سەرنجی خۆی لەبری ڕاپەڕاندنی کارە کارگێڕییەکان، بخاتە سەرگفتوگۆی ڕاستەوخۆ لەگەڵ خوێندکاران لە ناو پۆلدا.

ڕاهێنانی گشتگیر و هەمەلایەن: دڵنیابوونەوە لە گەشەکردنی هاوتەریبی چوار کارامەیییە سەرەکییەکە (قسەکردن، گوێگرتن، خوێندنەوە، نووسین) لەگەڵ گرنگیدانی هاوچەرخ بە ڕێزمان و وشەکاری.

لینک: https://twee.com/