سامسونگ تەلەفیزیۆنێکی گەورەی ١٣٠ ئینجی دەهێنێتە بازاڕەوە
سامسونگ لە پێشانگای CES 2026 لە لاس ڤێگاس، یەکەم تەلەفیزیۆنی جیهان بە تەکنەلۆژیای Micro RGB بە قەبارەی ١٣٠ ئینجی نمایش کرد. ئەم تەلەڤیزیۆنە بە ناوی R95H ناسراوە و گەورەترین شاشەی Micro RGB ـە کە سامسونگ هەتا ئێستا بەرهەمی هێناوە.
ئەم تەلەڤیزیۆنە بۆ بازاڕی کاڵای گرانبەها دروست کراوە و تەکنەلۆژیایەکی پێشکەوتووی تێدایە. تەکنەلۆژیای Micro RGB لامپی LED ـی زۆر بچووکی سوور و سەوز و شین بەکاردێنێت بۆ دروستکردنی وێنە، کە ڕەنگەکان ڕوونتر دەکات لەگەڵ جیاوازیەکی بەرزتر.
تەلەفیزیۆنەکە پشت بە زیرەکیی دەستکرد دەبەستێت بۆ باشترکردنی ڕەنگەکان و جیاوازی و وردەکارییەکان. هەروەها تەکنەلۆژیای دژی ڕووناکی ڕەوانەکراوەی تێدایە بۆ پاراستنی کوالیتی وێنە لە ژووری ڕووناک.
دیزاینەکەی بە شێوەی چوارچێوەیەک هاتووە، وا دەکات تەلەڤیزیۆنەکە وەک پەنجەرەیەک لەسەر دیوار دەرکەوێت. دەنگی تێدا لە نێو چوارچێوەکە دانراوە و بە قەبارەی شاشەکە گونجاوبێت.
سیستەمی Tizen ـی نوێترین لەسەر کاردەکات و پشتیوانی تەکنەلۆژیاکانی HDR10+ و Eclipsa Audio و Vision AI Companion دەکات. هەروەها دۆخێکی تایبەت بۆ یارییە وەرزشییەکان هەیە کە وێنە و دەنگ باشتر دەکات.
